InfoHub Logo

Iá, "bolashaq, erteń" degen sózderdi estigende, árbir adam tolqıtyny shyndyq. Sol sıaqty meniń de bala júregim bul sózderdi estigende tebireneri ras. Bolashaq, erteńgi kún... Aldymyzda qandaı kúnder kútip turǵanyn eshkim de bilmeıdi. Ol tek bolashaqtyń qolynda. "Meni qandaı jumbaq kúnder kútip tur eken? Men bolashaǵymdy qalaı elestetemin? Bolashaq degen ne? Erteńgi kúni men elime qandaı ıgi jaqsylyqtarymdy tıgize alamyn?" degen san túrli suraqtar meni mazalaıdy.

Árıne, elimizdiń birtýar aqyn-jazýshylary "bolashaq" týraly taqyrypta qalam terbemegeni kemde-kem.

Sen de bir kirpish dúnıege,

Tetigin tap ta bar qalan - , degen

uly aqyn, oıshyl Abaı atamyzdyń osy óleńiniń mán-maǵynasy, oıy tereńde jatyr. Hákim Abaı atamyz "sen de osy ómirdiń bir kirpishi bolyp qalan" dep jyrlaıdy. Bul jerde ol jastarǵa. bolashaqqa degen senimin óleńdetken Maǵjan Jumabaev atamyzben úndesedi.

Arystandaı aıbatty,

Jolbarystaı qaıratty.

Qyrandaı kúshti qanatty,

Men jastarǵa senemin! -, dep

jastardy jigerlendiretin aqynymyzdyń úni de qazirdiń ózinde "el erteńi - bizdiń, keler urpaqtyń qolynda" dep aıtylyp ta, jazylyp ta jatyr.

Bolashaq kilti - bizdiń qolymyzda. Ata-babamyzdyń bizge artqan osy bir zor senimin aqtaý bizge paryz. Endeshe elimizdiń bıik belesterin baǵyndyratyn urpaqtyń atynan ún qatamyn. Elimniń jarqyn bolashaǵy úshin, keleshek ómir úshin, týǵan jerimniń amandyǵy úshin aıanbaı eńbek etemin.

Qarshyǵa Aıgerim, Qyzylorda                                                                                                                                                            

---