Men ketemin,
keledi taǵy ómirge mendeı,
Olar mindi kóredi,
qısyq jerin jóndeı.
Bara-bara aıqyndalyp aqtyq istiń anyǵy,
Adasqanmen, haqıqatqa qoımaq emes senbeı.

Aq júrek pen taza aqyl,
Qylsań Adal eńbek,
Bárinen de sol maqul –
Artqyǵa jol bermek.
Arsyzdardyń túkke turmaı aram oıy joıylyp,
Aıaǵynda haqıqatty bul úsheýi jeńbek.

Sen bola gór aqqa jaq,
bolam deseń adam,
Adal eńbek berer baq,
bassań soǵan qadam.
Aınymaıtyn aq júrek pen taza aqyldy adamnyń
Tappasy joq bul ómirde, osynymdy uq, balam!

---