InfoHub Logo

Uran
Jas janymdy jaralama, esirtkige jolama.
Densaýlyǵyń saǵan kerek óz - ózińdi tonama.

Men ómirdi qalaımyn

Halyqpyz biz búkil álem jaqtaǵan,
Tatýlyqpen el birligin saqtaǵan.
Salaýatty ómir súrip, máńgilik,
Qazaǵymnyń salt - dástúrin maqtaǵan.

Jetedi áli qasireti ǵalamnyń,
Qas jaýy bar esirtkideı adamnyń.
Qaptamasyn alqabynda sorasy,
Keń jazıra meniń altyn dalamnyń.

Esirtkiniń ne ekenin bilemiz,
Ne bolsa da odan alys júremiz.
Qazaq degen ata jolyn ustaǵan
Uly elmiz, baqytty elmiz, nur elmiz.

Aqyn bolsam deımin elim tanyǵan,
Jarylatyn el degende aǵynan.
Salaýatty ómir súrsek dostarym,
El bolamyz yrys pen qut daryǵan.


Ashyq qylsyn jalǵyz alla aspanyn,
Aman - etsin elimizdiń jastaryn.
Taza júrse, aman júrse, saý júrse,
Bul ómirde keregi ne basqanyń.

Baqytty ótip oqýshylyq ómirim,
Óleń jazyp, jadyraıdy kóńilim.
Men de erteń mektebimdi bitirip,
Kórkeıtemin Qazalymnyń óńirin.

Men oqımyn óleńderin Abaıdyń,
Ónegeniń kózi ǵoı dep sanaımyn.
Jırenemin árkez jaman ádetten,
Qashanda da men ómirdi qalaımyn.

Qymyz benen shubat ishken halyqpyz,
Sondyqtan da bıikpiz biz, alyppyz.
Babalardyń elin jaýdan qorǵaýmen,
Handyq qurǵan erligine qanyqpyz.