InfoHub Logo

Adam óz ómirinde eń bastysy mamandyq tańdaýdan jańylmaýy qajet. Árkimniń ózine etene jaqyn, janyna jaǵymdy mamandyq tańdaý sáti-asqaqtaǵan armanynyń eń birinshi baspaldaǵy. Mamandyǵyńdy tańdaǵan sátte sol kásiptiń bilgiri bolýy shart.
“Sende bir kirpish dúnıege,
Ketigin tap ta, bar qalan”-dep Abaı atamyz aıtpaqshy ár ór tulǵa óz ómirlik jolyn taba bilýi kerek, biraq bul ómirde mamandyq tańdaý da ońaı sheshim emes.Meniń sonaý bala shaqtan arqaý etken armanymnyń biri- jýrnalıs mamandyǵy.

Jýrnalıs adamdarǵa barynsha keń, obektıvti jáne shynshyl bolýy tıis.

Men bul mamandyqpen aınalysýdy sonaý balalyq shaǵymnan armandadym, bala kezimde Beısen Quranbektiń “Aıtýǵa ońaı” baǵdarlamasyn qyzyǵa qarap, men de dál osy kisideı bolamyn degen armanyma qanat bitti.

Kún saıyn mıllıondaǵan adamdar bizdiń álemde ne bolǵanyn bilý úshin teledıdardy qosady, jańalyqtar saıtyn ashady nemese tańerteńgi gazetti aınaldyrady. Jýrnalıs árqashan álemde bolyp jatqan barlyq nárseniń aldyńǵy shebinde, árqashan jańa jáne qyzyqty adamdarmen qarym-qatynas jasaıdy.

Bul mamandyq qıyndyǵy men qyzyǵy qatar júretin, kóp izdenisti talap etetin sala. Meniń oıymsha, jýrnalısıka mamandyǵyn tańdaǵan stýdentter óz kásibine óte adal bolýy kerek. Sonymen qatar qaǵazy men qalamy arqyly qorǵansyzǵa pana bolyp, ádilettilikti jaqtaǵandary jón. Qoǵamdaǵy bolyp  jatqan jetistiktermen qatar keleńsizdikterdi aıamaı jarıalaýdan adasyp qalmaǵany jón. Deı turǵanmen, tyń aqparattardy jarıalaǵan kezde derek pen dáıek tolyq bolýy shart. Elden, kósheden estigen jalań sózderge senip jaza berse ondaı jańalyqtardyń kók tıyndyq quny bolmaıdy. Bir eldi nemese bir adamdy negizsiz qaralaı berse, jala japsa basy pálege qalýy múmkin. Biz osyǵan abaı bolýymyz kerek. Aqparat ádil tarazy bolyp, adam men qoǵam úshin kirshiksiz qyzmet etse ǵana biz kózdegen maqsattarǵa jete alamyz.

Meniń osy joldy tańdaýymnyń da ózindik úlken sebebi bar. Men ózimniń jastar jaıly jýrnalymdy jarıalaǵym keledi. Jasóspirimderdiń problemalary kóp ekenin bilemin. Kóbinese bul problemalar olardyń sıpatyna, kózqarastaryna, jeke ómirine úlken áser etedi. Keıbir qaqtyǵystarǵa nemese sátsizdikterge baılanysty olar mektep týraly, jaqyndary týraly, bolashaǵy týraly oılamaıdy. Bul másele olardy alańdatady. Jasóspirimder "jalǵyz durys sheshimdi" tańdaıdy: olar ishe bastaıdy, temeki shegedi, esirtki qabyldaıdy, óz-ózine qol jumsaýǵa tyrysady. Al meniń jýrnalym osyndaı jasóspirimderge shyn máninde durys sheshim tabýǵa kómektesedi. Sonymen qatar, men ózimniń jastarmen jáne tanymal adamdarmen suhbattasatyn aıdar ashyp, suhbattasqym keledi. Bul meniń burynnan kele jatqan armanym. Armanymnyń jolynda jan-tánimmen berile qyzmet etemin.

Bul jol jaı jol emes besaspaptardyń joly. Abaı atamyz aıtqandaı qazirden bastap: «Bes nársege asyq bolyp, bes nárseden qashyq bolýymyz kerek».  «Segiz qyrly, bir syrly», óziniń dittegen maqsatyna jetýden taısalmaıtyn, bolashaq urpaqtyń keler keleshegine kámil senip, olardyń bizdiń adal izbasarymyz bolatyndaı jol qaldyryp, bolashaǵyna senim artýymyz qajet. Eń bastysy, qazaqtyń bas aqyny, ór tulǵa – Abaı atamyzdyń  «Aqyl, qaırat, júrek úsheýin birdeı usta» - demekshi, myna jýrnalıstiń de boıynda osy qasıetter bolýy mindetti

---