InfoHub Logo

Sabaqtyń taqyryby: Meniń mektebim. Táýeldik jalǵaý
Qazaq tili 3 synyp
Sabaqtyń maqsaty:
1. Bilimdilik: Oqýshylarǵa «mektep» týraly málimet berý; taqyryp boıynsha bilimderin júıege keltirip pysyqtaý, tıanaqtaý, gramatıkalyq uǵymdardy saýatty ári durys qoldaný daǵdylaryn qalyptastyrý. Pánge qyzyǵýshylyǵyn arttyrý.
2. Damytýshylyq: Oqýshylardyń oılaý, este saqtaý, kórý qabiletterin damytý; oı túıindeýge, shyǵarmashylyqpen jumys isteýge jumyldyrý; mátindi qazaq tilinde áńgimeleýge, aýyzeki sóıleýge daǵdylandyrý, oı - órisin keńeıtý.
3. Tárbıelik: Oqýshylardyń óz mektebine, ustazyna degen súıispenshiligin arttyrý, salaýattylyqqa tárbıeleý. Oqýshylardy bir - birin syılaýǵa, qurmetteýge tárbıeleý.
Sabaqtyń túri: Aralas sabaq
Sabaqtyń tıpi: Jańa bilimdi meńgertý jáne taqyryp boıynsha ótilgen materıaldardy júıege túsirý.
Sabaqtyń ádisi: Oıyn tehnologıalary arqyly oqyta úıretý ádisi, metapándik ádis, suraq - jaýap, ózindik izdenis.
Sabaqtyń kórnekiligi: ınteraktıvti taqta, sýretter, leksıkalyq jáne gramatıkalyq tapsyrmalar.

Sabaqtyń barysy:
İ. Uıymdastyrý kezeńi
A) Oqýshylarmen amandasý, túgeldeý.
Á) Oqýshylarmen aýyzeki sóılesý.
B) Oqýshylardy sabaqqa psıhologıalyq daıyndaý, oılaryn bir ortaǵa toptaý maqsatynda oı tastaý.

İİ. Jańa sabaqqa daıyndyq.
«Oı - qozǵaý». Interaktıvti taqtadan beınematerıal kórsetiledi. Oqýshylar beınematerıaldy kórgen soń sabaqtyń taqyrybyn anyqtaıdy.
Anyqtalǵan taqyryp boıynsha eki topqa sabaqtyń maqsatyn aıqyndaý usynylady.
Taqyrypty anyqtaǵan soń oqýshylarǵa «mektep» sózine asosıasıa jazý usynylady.

III. Jańa sabaq:
Sózdikpen jumys:
bilim - znanıe
oqýlyq - ýchebnık
synyptas - odnoklassnık
Toptyq jumys.
1 - tapsyrma. «Ymdy bilmegen - dymdy bilmeıdi» oıyny.
Oqýshylar bir - birine mektep týraly ym - qımyl kórsetedi jáne sheshýin tabady.
Bul tapsyrma oqýshylardy oılaýǵa, qıalyn qozǵaýǵa jáne sóz tirkesterin durys quraı bilýge úırenedi.
Táýeldik jalǵaý
Jekeshe túri
I. Meniń... ym,... im,... m
II. Seniń... yń,... iń,... ń
Sizdiń... yńyz,... ińiz,... ńyz,... ńiz
III. Onyń... y,... i,... sy,... si

2 - tapsyrma. Táýeldik jalǵaýlaryn durys jalǵańdar.
I. Meniń synyptas... oqýlyq...
II. Seniń
Sizdiń

III. Onyń
3 - tapsyrma. Sýretter boıynsha sóılemder jáne suraqtar qurastyryńdar.
Bul tapsyrma oqýshylardy aýyzeki sóıleýge, suraq qoıa bilýge jáne suraqtarǵa jaýap bere bilýge úıretedi. Kelgen qonaqtyń suraqtaryna jaýap bere otyryp oqýshylarda alǵan bilimderin ómirde qoldana alatynyna senimdilik týady.

Sergitý sáti
Qoldy belge qoıaıyq,
Basty ońǵa buraıyq,
Basty solǵa buraıyq,
Bir otyryp, bir turyp,
Bir demalyp alaıyq.
3 - tapsyrma.

3 - tapsyrma oqýshylardyń oılaý, qıaldaý qabiletterin arttyrady.
Sabaqty qorytyndylaý.

Úı tapsyrmasy suraý. Mektep týraly qyzyqty derekter.
1. Álem mektepterinde paıdalanyp júrgen kóbeıtý kestesin Qytaıda oılap tapqan.
2. Mektep formasy eń birinshi Ulybrıtanıada paıda bolǵan.
3. Álemdegi eń uzaq sabaq 2003 jyly bolǵan. Bıolog muǵalim 54 saǵat boıy sabaq ótken.
4. Eń birinshi qazaq mektebin 1864 j. aǵartýshy - pedagog, jazýshy Ybyraı Altynsarın ashty.
5. Beverlı qalasynyń turǵyny Fred Batler 106 jasynda mektep bitirip, dıplom alǵan.
6. Eń úlken mektep Úndistanda. Bul mektepte 45000 oqýshy oqıdy. Munda 2500 muǵalim, 1000 synyp bar.
7. Eń eski mektep - Fes qalasyndaǵy Karaýın musylman mektebi. Ol 859 jyly salynǵan.
8. Oqý jyly álemniń 43 elinde - 1 qańtarda, 16 elde - 1 naýryzda, 122 elde - 1 qyrkúıekte bastalady.
9. AQSH týynda beınelengen juldyzshalardy mektep oqýshysy oılap tapqan.

Úıge tapsyrma.
Turan - ózine senetinder men tabysqa umtylatyndar úshin! Bul Turan mektep - lıseıiniń urany.
Sen mektebińniń urany qandaı bolǵanyn qalaısyń?
Refleksıa. Oqýshylardy baǵalaý.

Áńgimeleı alamyn.
Sóılemder qurastyra alamyn.
Sóz tirkesterin quraı bilemin.
Mektep taqyrybynda sózder bilemin.
Sabaqty aıaqtaý.
Mektebiń mynaý klassyń,
Osynda on jyl turasyń.
Tarydaı bolyp kiresiń,
Taýdaı bolyp shyǵasyń,- dep Muqaǵalı Maqataev aıtqandaı elimizdiń bilimdi, tárbıeli azamaty bolyńyzdar! Raqmet!