InfoHub Logo

Meniń asqar taýdaı armandarym óte kóp. Osy armandarymnyń biri de biregeıi, meni elordaǵa, Lev Gýmılev atyndaǵy Eýrazıa ulttyq ýnıversıtetine jeteledi. Osydan bir jyl ǵana armanyma aınalǵan bilim ordasy, qazirgi tańda shyndyqqa aınalyp, ómirdegi umytylmas kezder ýnıversıtet qabyrǵasyndaǵy keremet kúnderdi ótkizýdemin. Bilim ordasy maǵan esigin aıqara ashqan kúnnen bastap, meni jańa dostar, jańa adamdar, jańa bilim kútip turǵanyn oǵan qosa moınymdaǵy úlken jaýapkershilikti sezindim. Sebebi QS World Universities-tiń 2010 jylǵy reıtıń kórsetkishi boıynsha álemdik eń úzdik 500 ýnıversıtet tizimine engen Qazaqstandyq tuńǵysh bilim ordasynyń stýdenti bolý, árkimge berile bermeıtin múmkindik.

Eýrazıa ulttyq Ýnıversıteti, osydan 24 jyl buryn Elbasynyń pármenimen eki JOO Selınograd ınjenerlik qurylys jáne Selınograd pedagogıkalyq ınstıtýtynyń birigýi negizinde qurylǵan bolatyn. Sol jyldary ýnıversıtette 5000 jýyq stýdent bilim alyp, 300 jýyq oqytýshylar qyzmet istese, búginde oqý orny qala ishindegi qalaǵa aınalǵan. Qazir myqty ınfraqurylymymen, oqý laboratorıalyq ǵımarattarmen, ǵylymı zertteý ınstıtýttarymen jáne áleýmettik ári mádenı baǵyttaǵy nysandarmen tolyqqan oqý orny. Ýnıversıtetimizdin basty mısıasy, otandyq ǵylymnyń álemdik yqpaldastyqta altyn kópir bolý jáne sapaly elıtaly mamandar daıarlaý. Búginde EUÝ Eýrazıashyldyq ıdeıasyn naqty júzege asyryp otyrǵan, memlekettik basqarý, ǵylym men bilim, mádenıet pen óner salasyndaǵy memlekettik jáne azamattyq qyzmetke tańdaýly maman ázirlep jatqan biregeı orda. Meniń súıikti bilim ordam bolýyna birden bir sebep, oqý ornyna tıesili memlekettik bilim berý grant sanynyń kóbi tehnıkalyq mamandyqtarǵa tıesili, jalpy grant sanynyń 68% jýyǵyn quraıdy. Respýblıkalyq kólem boıynsha bul kórsetkish memlekettiń tehnıkalyq mamandyqtarǵa bólgen grant sanynyń 14% quraıdy. Iaǵnı bul ýnıversıtette bilim alamyn degen stýdentke úlken múmkindik. Jalpy quramyna 36 asa ǵylymı zertteý ınstıtýttarymen zerthanalar qaraıtyn ýnıversıtette, sheteldiń memleket basshylary, nobel syılyǵynyń laýreattary, ataqty ǵalymdarmen qaıratkerlerdiń jıi kelip stýdentter men oqytýshylar aldynda dáris oqýy dástúrge aınalǵan. Mundaı kezdesýler stýdentterdiń mádenı jáne ıntelektýaldyq saıası deńgeıin kóterýge yqpal etip, ýnıversıtettin halyqaralyq deńgeıdegi bedelin kóteredi. Sonymen qatar EUÝ Qazaqstan ǵylymyna ózindik úlesin qosyp, jyl saıyn álemdik mańyzdy máselelerdi kóteretin respýblıkalyq, halyqaralyq, ǵylymı-teorıalyq semınarlar men forýmdar ótkizip otyrady.

Qoryta túıindim: oqý ornymnyń osy jetistikteri, búkil ujym men stýdenttik ortanyń eńseli eńbegi nátıjesi. Mende aldynǵy ýaqytta osy jetistikterdin qataryn toltyramyn dep senemin.

Ómirzaq Maqsat EUÝ, 1 kýrs

---