Pedagogtardyń ulttyq biliktilik testin tapsyrýy 3 aıǵa sozylady
21 mamyrda pedagogtardan Ulttyq biliktilik testin tapsyrýǵa ótinim qabyldaý bastalady. Bul týraly QR Bilim jáne ǵylym mınıstrliginiń Mektepke deıingi jáne orta bilim komıtetiniń tóraıymy Maıra Meldebekova aıtty.
«Elimizdegi karantın jaǵdaıyn eskere otyryp ulttyq biliktilik testin 3 aı ótkizýdi josparlap otyrmyz. Bul — maýsym, shilde, tamyz aılary. Qujat qabyldaý 21 mamyrdan bastalady. Jalpy, erejede tapsyrý ýaqyty da uzartyldy. Matematıka, hımıa, fızıka, ınformatıka pánderiniń pedagogtaryna 240 mınýt beriledi», — dedi Maıra Meldebekova mınıstrliktiń Facebook paraqshasynda onlaın rejımde ótken apparat jınalysynda.
Onyń atap ótýinshe, mınıstrlik oblystyq bilim basqarmalarynan bıyl ulttyq biliktilik testin tapsyrýy múmkin pedagogtardyń boljamdy sanyn alǵan.
«Joǵary oqý oryndarynyń túlekterin qospaǵanda shamamen 113 myń pedagog test tapsyrady. Test tapsyrmalarynyń bazasy bar. Onda shamamen 135 myńǵa jýyq tapsyrma qamtylǵan. Bıyl taǵy 21 myń jańa tapsyrma ázirlendi. Tolyqtaı alǵanda, búgingi kúni baza jumys istep tur. Ony synaqtan ótkizip kórdik», — dedi komıtet tóraıymy.
Maıra Meldebekovanyń aıtýynsha, pedagog ózine qolaıly ýaqytta bazaǵa tirkele alady.
You Might Also Like
-
25 mamyr kúni elimizdiń barlyq mektepterinde oqý jylynyń aıaqtalýyna oraı sońǵy qońyraý onlaın rejımde soǵylady. Bul týraly QR Bilim jáne ǵylym vıse-mınıstri Sholpan Karınova aıtty.
-
Meniń asqar taýdaı armandarym óte kóp. Osy armandarymnyń biri de biregeıi, meni elordaǵa, Lev Gýmılev atyndaǵy Eýrazıa ulttyq ýnıversıtetine jeteledi. Osydan bir jyl ǵana armanyma aınalǵan bilim or...
