InfoHub Logo

«Meniń tásilderim men ádisterim»

             Búgingi qoǵamda Zaman talabyna saı elimizde týyndap jatqan áleýmettik, ekonomıkalyq, mádenı ózgeristertárbıe men bilim máselesine jańa kózqaras qalyptastyrýdy talap etip otyr.

             Bizdiń qazaq halqynyń ǵasyrlar boıǵy tynys – tirshiliginiń ózindik erekshelikterinen týyndaǵan tálim – tárbıege  qatysty, salt – dástúr, ádet – ǵuryptary mol. Olar etıka, pedagogıka, psıhologıa ǵylymdary, tujyrymdarymen astarlasyp otyr. Etıka degenimiz – psıhologıanyń bir bólshegi, ózegi. Etıka árbir adamnyń ózin – ózi tárbıeleýi,minez qulqyn túzeýi, unamdy unamsyz qasıetin tarazylap bilýi.

            Al men  balabaqshadaǵy bala men tárbıeshi qarym – qatynasyndaǵy pedagogıkalyq etıkany qozǵasam. Tárbıeshi, ustaz búldirshinge úlgi kórsetetin, ómirdik san alýan joldarynan ótýine baǵyt beretin, adamgershilik, eńbek súıgishtik, adaldyq, patrıottyq qasıetterge baýlıtyn tulǵa.

           Tárbıeshi ustaz únemi ózin sergek, kóńildi ustaýy kerek. Balaǵa tárbıeshiniń árbir kezdegi kóńil kúıi áser etedi. Sondyqtan tárbıeshi búldirshinge óte meıirimdi, qaıyrymdy, qamqorshy bolýy kerek. Adamzat balasyn – búkil tirshilik áleminen ereksheleıtin – onyń erekshe jetilgen psıhıkasy ekni belgili.

           Kez-kelgen psıhıka – negizinen mıdyń qyzmeti ekeni túsinikti. Bul ilim tereń eerttelýine orystyń uly ǵalymdary Sechenov, Pavlov sińirgen eńbekteri zor. Olar nerv júıeleri men mıdyń kóp qabat kúrdeli qyzmetterin jik – jikke bólip túsindirdi. Mine osydan psıhologıa ǵylymy óz aldyna pán retinde damı bastady. Mys:psıhologıa tirshiliktegi bar nemese joq qubylystardyń paıda bolatyny áserlerin taldap, onyń qubylystyq, zattyq sıpattaryn túsindirýge tyrysady. Adam tárbıesindegi psıhologıany keń túrde paıdalaný úshin onyń ózine laıyqty tásilderi, ádisteri bar. Olardyń eń negizgileri mynalar:  psıhologıalyq baıqaý, áńgime dúken qurý, is – tájirıbe júrgizý bolyp tabylady. Osy aıtyp otyrǵan ádister kúndelikti tirshiligimizde jıi qoldanylady. Biraq ár adam ony óz shama sharqyna qaraı iske asyrady. Biz óz tájirıbemiz arqyly bir – birimizben qarym qatynastyń psıhologıalyq jaqtaryn ashýǵa tyrysamyz.

          Men balabaqsha psıholog — pedagogy — balany tereń túrde túsinetin, biletin adammyn. Men  jalpy balanyń psıhıkalyq damý erekshelikterin men erekshilikterdiń jekeshe varıasıalaryn da bilemin.
Balabaqshada meniń jumysym — balalardyń fızıkalyq jáne psıhologıalyq densaýlyqtaryn qorǵaýmen baılanysty, emosıaldy amandyqtaryna múmkindik týǵyzatyn sharttar jasaımyn jáne ár balanyń erekshilikteriniń jaıly jáne effektıvti túrde damýyna qamtamasyz etemin.
           Men  balalarmen jekeshe túrde jumys júrgizemin jáne tárbıe barysynda jekeshe – psıhologıalyq erekshelikterin esepke alýlaryna múmkindik týǵyzamyn. Dıagnostıkalyq ádisteme jáne baqylaý boıynsha balabaqshadaǵy ár topty uzaq ýaqyt zertteı otyryp ,men balalardyń ózara balalardyń tárbıeshimen qarym – qatynastarynyń erekshilikterin anyqtaımyn, ár balanyń jekeshe – psıhologıalyq sapasy men olardyń aqyl oı damýyn baǵalaımyn. Tárbıe, oqý dıferensıasıasy men balalarmen túzetý jumys tásilderin jetildirý arqyly, tárbıeshiler men ata – analarǵa arnaıy jasalǵan usynystar jasaý arqyly  jumystyń nátıjesi, laıyqty túzetý jumysyn júrgizý jáne balanyń mektepke daıyndyǵyn anyqtaý – psıhologtyń mańyzdy qyzmeti.

    

 

MKQK «Jas álem» bóbekjaı – balabaqshasynyń

pedagog - psıhologi: B. Ahmedjanova 

---