Úkimet Qaýlysymen balalardy 1-synypqa qabyldaý erejeleri ózgerdi
QR Bilim jáne ǵylym mınıstrligi balalardy birinshi synypqa qabyldaý erejesindegi tolyqtyrýlar men ózgertýlerdi jarıalady, dep mınıstrliktiń baspasóz qyzmeti habarlaıdy.
«Bastaýysh, negizgi orta jáne jalpy orta bilim berý uıymdaryna oqýǵa qabyldaý qaǵıdalaryna sáıkes, jalpy bilim beretin oqý baǵdarlamasyn iske asyratyn bilim berý uıymdary daıyndyq deńgeıine qaramastan, bilim berý uıymdarynyń qyzmet kórsetý aýmaǵynda turatyn jeti jasqa tolǵan jáne aǵymdaǵy jyly alty jasqa tolatyn balalardyń birinshi synypqa qabyldanýyn qamtamasyz etedi», - delingen baspasóz qyzmetiniń resmı habarlamasynda.
Iaǵnı, qyrkúıek-jeltoqsan aılarynda týǵan balalar aǵymdaǵy jyldan bastap 1 synypqa bara alady. Óıtkeni, balalar kúntizbelik jyldyń sońyna deıin alty jasqa tolyp, mektepke qabyldaný quqyǵyna ıe bolady.
«Bilim alýshynyń ata-analary nemese ózge de zańdy ókilderi bilim alý úshin kez kelgen bilim berý uıymyn tańdaýǵa quqyly. Bilim berý uıymyna qabyldaýdan bas tartqan jaǵdaıda, bilim alýshynyń ata-analary nemese basqa zańdy ókilderi jergilikti bilim basqarmalaryna shaǵymdana alady», - dep habarlady mınıstrlik.
Sondaı-aq, birinshi synypqa balalardy qabyldaýǵa qajetti qujattar tiziminen mekenjaı anyqtamasy alyp tastaldy.
Qujattardy qabyldaý 1 maýsym men 30 tamyz aralyǵynda júrgiziledi.
Aıta keteıik, QR Úkimetiniń tıisti Qaýlysy baspasóz betterinde jarıalanǵan bolatyn.
You Might Also Like
-
2017-jyldyń sáýir aıynda Navigant Research zertteý toby júrgizýshisi joq avtokólikter jasaý salasyndaǵy ártúrli avtoóndirýshilerdi saraptaǵan esepti jaryqqa shyǵardy. Tizimge 18 kompanıa endi. Bul Tes...
