InfoHub Logo

Almaty oblysy,Jarkent aýdanynda 1938 jyly qarashanyń 28-inde dúnıege kelgen. Medeýbaı Shaıahmetuly Qurmanov - ádebıettanýshy, ǵalym, aýdarmashy, aqyn, fılologıa ǵylymdarynyń kandıdaty.

Arpalysqa,qıyndyq pen qýanyshqa  toly myna ómirde 46 ǵana jyl qonaq bolsada,artynda qalǵan óshpes eńbekteri búgingi jas urpaqqa mura.

Medeýbaı Qurmanov tek qana ádebıettanýshy,ǵalym ǵana emes,sonymen qatar,muǵalimdik qyzmetti de qatar alyp júrgen.Óziniń aqyndyq qasıetimen ǵana shektelip qoımaı,ártúrli mekemelerde túrli qyzmetter atqarǵan.

Eńbek joly:

Qazaq memlekettik Halyqaralyq qatynastar jáne Álem tilder ýnıversıtetin bitirgen (1968).

1955 - 1963 jyldary Qyzyljar, Qoǵaly orys jáne qazaq orta mektepterinde muǵalim,

1963 jyly Almaty medısınalyq ınstıtýtynda oqytýshy,

1966 - 1974 jyldary kafedra meńgerýshisi,

1974 - 1978 jyldary Qazaq memlekettik Halyqaralyq qatynastar jáne Álem tilder ınstıtýtynda dosent,

1978 - 1983 jyldary Ádebıet jáne óner ınstıtýtynyń bólim meńgerýshisi qyzmetin atqarǵan.

Bilikti ǵalym,aıtýly aqyn óziniń shyǵarmashylyq ómirinde jetken eń úlken jetistikteriniń biri-nemis aqyny I.Geteniń ‹‹Faýst›› tragedıasynyń qazaqsha aýdarmasy.‹‹Ómir,qandaı tátti ediń››atty kitapta Medeýbaı Qurmanov jaıly bylaı dep jazylǵan eken:″Medeýbaı armanshyl bolatyn.Kezdese qalsań-aq qazaq pen nemis ádebıetiniń arasynda baıaǵy Abaı zamanynan beri úzilmeı kele jatqan rýhanı baılanystar jaıynda tebirenip,tolǵana sóıleıtin.Osy haqynda iri-iri eńbekter,zertteýler jazýdy armandaıtyn.Nemis klasıkterin qazaq tiline túpnusqadan tikeleı aýdarý kerektigin árdaıym basa aıtýshy edi″. Aqyn asqaq armanyna jetip qana qoımaı,artynda óshpes,máńgi iz qaldyryp ketti.

Aqyn Medeýbaı aǵamyz Geteniń ‹‹Faýst›› tragedıasymen ǵana shektelip qalmady,taǵy da Genrıh Geıneniń bir top óleńderin, Vıllı Bredeldiń prozasyn aýdarsa, «Jalyn» baspasy «Eski baq» atty ertegi kitabyn shyǵarǵan. Sondaı-aq, Klaýs Shnaıderdiń «Almaty–Qazaqstan kóktemi» degen kitabynan birneshe taraýdy qazaqshaǵa aýdarǵan. Sovet-nemis jazýshylary A.Reımgen, E.Ýlmer, K.Erlıh, N.Vakkerdiń shyǵarmalaryn qazaq tilinde sóıletken jáne «Ómir qandaı tátti ediń», «Dostyq kópiri» degen kitaptary bar. Jarıalanǵan osy eńbektermen aqyn-aýdarmashy aǵamyzdyń esimi qanshama elge tanymal bolsa,daryndy aqynymyzdyń búginde jarıalanbaǵan kóptegen ólen joldary bar ekeni belgili.

Kóziniń tirisinde Medeýbaı Qurmanov arnaıy shaqyrýmen Germanıanyń syıly qonaǵy bolǵan. Búgingi tańda Halyqaralyq Venmar mýzeıinde Medeýbaı Qurmanov aǵamyzǵa arnalǵan eksponattar bar.

Medeýbaı Qurmanov jáne qundy ádebı muralary búgingi kúni ǵana emes, bolashaqta da keńinen nasıhattalyp, óz jalǵasyn taba bermek.

---