InfoHub Logo

Ánshi Merýert Túsipbaeva men jýrnalıs Láılá Sultanqyzy arasyndaǵy pikirtalas áleýmettik jelide qyzý talqylanýda. Daýdyń týyndaýyna Merýert Túsipbaevanyń jýrnalıs Láılá Sultanqyzynyń óner adamdaryn esirtkige tekserý týraly usynysyna bergen jaýaby sebep boldy.

Bul týraly Infohub.kz aqparat agenttigi habarlaıdy.

Merýert Túsipbaevanyń narazylyǵy

Merýert Túsipbaeva óner ıesi retinde jýrnalıstiń bastamasyn synǵa alyp, qoǵamda basqa da mańyzdy máseleler bar ekenin alǵa tartty. Ol óner adamdaryna ǵana nazar aýdarýdyń sebebin túsinbeıtinin aıtyp, Láılá Sultanqyzyna bylaısha saýal tastady: "Memlekette basqa másele joq pa? Halyqqa budan ne paıda, Láılá? Bizdiń elde basqa másele joq pa? Tisteriń tek óner adamdaryna ǵana bata ma? Birese Mekkege barǵan óner adamdaryna, birese ajyrasqan ártisterge, endi olardyń esirtki qabyldaýyn tekserý qaldy ma? Myqty bolsańdar basqa máseleni nege kótermeısińder? Halqyma paıdaly másele joq pa? Bitti me? Ártistiń kórpesin kóterý ǵana qaldy ma?" – dep jazdy ánshi Instagram paraqshasynda.

Láılá Sultanqyzynyń jaýaby

Jýrnalıs Láılá Sultanqyzy bul synǵa jaýap berip, máseleniń tek óner adamdaryna qatysty emes ekenin, jalpy qoǵamǵa áser etetin tulǵalar týraly ekenin atap ótti. Onyń aıtýynsha, áńgime jastar men balalardyń densaýlyǵyna da qatysty. "Merýert jalpy ne aıtylǵanymen, basqamen tanys boldyń ba? Jastardyń, balalardyń arasyndaǵy jaǵdaı seni mazalamaı ma? Densaýlyqtary mazalamaı ma? Álde olar mańyzdy emes pe? Áńgime jalpy tanymal adamdar týraly jáne Túrkıadaǵy jaǵdaı mysalǵa alynǵan tuǵyn. Qoǵamǵa áser alatyndar týraly, kúrestiń jan-jaqty bolýy týraly. Jany, táni, densaýlyǵy tazalar eshteńe oılamaıdy, kerisinshe birge kúrsedi. Aınaladaǵy laspen", – dep jaýap berdi Sultanqyzy.

Daýdyń jalǵasy

Merýert Túsipbaeva bul jaýapqa da qanaǵattanbaı, tek óner adamdaryn ǵana emes, barlyq saladaǵy adamdardy tekserý kerektigin aıtty. "Basqa saladaǵy adamdar sýdaı taza, sonda ártister ǵana shóp shege me? Onda tolyǵymen barlyǵy test ótsin", – dep pikirin bildirdi ánshi.