InfoHub Logo

Qazaqstandyq tanymal ánshi Merýert Túsipbaeva ónerdegi ózekti máselege qatysty pikirin bildirip, eki iri telearnanyń – «Qazaqstan» men «Habardyń» efırinen óziniń jobalarynyń 2025-2026 jyldary alynyp tastalǵanyn aıtty. Bul jańalyq ánshiniń buǵan deıin BAQ-ta taraǵan áriptesi Almas Kishkenbaevtiń «qara tizimge» ilingeni týraly aqparatty rastaı túskendeı boldy.

Bul týraly Infohub.kz aqparat agenttigi habarlaıdy.

Telearnalardyń «qara tizimi»

Ánshi bul jaǵdaıǵa jas ánshiler sıaqty emes, salmaqty qaraıtynyn aıtty. «Men jas ánshi emespin ǵoı, sondyqtan muny sabyrmen qabyldadym. Jastar shyqsyn, Qudaıǵa shúkir. Men qatty ýaıymdaǵan joqpyn», – dedi ol.

Alaıda, daıyn jobalardyń efırge shyqpaǵanyna ánshiniń kóńili tolmady. Onyń aıtýynsha, «Habar» telearnasy arnaıy shaqyryp, bes ánniń beınebaıanyn túsirgen. Túsirilimge 8-9 operator jumyldyrylyp, birneshe sahnalyq obrazdar daıyndalǵan.

«Eńbek zaıa ketti»

«Bes án túsirildi, úlken komanda jumys istedi. Qanshama energıa, eńbek, ýaqyt ketti – nátıjesinde eshteńe bolmady. Efırge shyqpady», – dep aǵynan aqtaryldy ánshi.

Sonymen qatar, «Tansholpan» baǵdarlamasyna arnap jazylǵan ániniń de kórsetilmegenin jetkizdi. Baǵdarlama júrgizýshisine habarlasqanymen, naqty jaýap ala almaǵanyn aıtty.

Shyǵarmashylyq joly jáne aýdıtorıaǵa degen rızashylyǵy

Merýert Túsipbaeva shyǵarmashylyq jolyn jalǵastyra beretinin jáne óz aýdıtorıasyna alǵys bildiretinin atap ótti.

«Eń bastysy – halqym aman bolsyn. Oqyrmandarym da aman bolsyn. Baıanaýyl tarıhynda bolmasa da, meniń atym qalady», – dep túıindedi ánshi.

Bul máselege qatysty telearnalardan resmı pikir ázirge túsken joq.