Mınıstr eki aıaǵynan aıyrylǵan qyz balaǵa qandaı járdemaqy beriletinin aıtty
Eńbek jáne halyqty áleýmettik qorǵaý mınıstri Svetlana Jaqypova eki aıaǵynan aıyrylǵan Alýa esimdi qyz balaǵa memleket tarapynan qandaı kómek kórsetiletinin málimdedi.
Mınıstrdiń sózinshe, birinshi toptaǵy múgedektigi úshin taǵaıyndalatyn járdemaqy kólemi 100 myń teńgeden asady. Al qyzdyń anasyna, múgedektigi bar balany tárbıelep otyrǵany úshin 78 myń teńge kóleminde aı saıynǵy tólem qarastyrylǵan. Sonymen qatar, anasy kópbalaly otbasy retinde qosymsha áleýmettik járdemaqylar alyp otyr.
«Onyń anasymen tikeleı sóılestik. Qyzdy protezdeý, ońaltý qyzmetteri — barlyǵy memleket esebinen júrgiziledi. Egindikól aýdandyq emhanasynda tirkelgen qyz balaǵa arnaıy jeke ońaltý baǵdarlamasy ázirlenedi», — dedi mınıstr Májilis kýlýarynda tilshilerge bergen suhbatynda.
Svetlana Jaqypovanyń aıtýynsha, qazirgi tańda mınıstrlik tıisti normatıvtik aktilerge ózgerister engizip jatyr.
«Alýadaǵydaı ampýtasıa jaǵdaılarynda ómir boıyna múgedektigin rastaý qajettiligin joıatyn bap qosylýda. Bul adamǵa qaıta-qaıta komısıadan ótýge májbúr bolmaýy úshin jasalyp otyr», — dedi vedomstvo basshysy.
You Might Also Like
-
Shymkentte tegin balmuzdaq taratqan kásipker 5 táýlikke qamaldy,dep habarlaıdy Infohab tilshisi.
-
«Ordabasy» fýtbol klýby 2,3 mıllıard teńge jymqyrdy degen kúdikke ilindiQarjy sheneýnikter men sheteldik legıonerlerge zańsyz bonýstar retinde taratylǵan bolýy múmkin
