InfoHub Logo

Tárbıe saǵatynyń taqyryby: «Myqty bolsań, ozyp kór»
Maqsaty: Jas urpaqty táýelsiz Qazaqstanymyzdyń uıymshyl, eńbekqor azamaty bolýǵa tárbıeleý, logıkalyq oılaýy men shapshańdylyq qasıetterin damytý. Oqýshylardyń ár pán boıynsha bilimin saralaý.
Muǵalim: Ahmetova Marhabbat
Synyptar: 5 «A», 5 «B»
Muǵalim:
Oıyn - tolqyn, aınalǵan qatty aǵysqa,
Tabylǵandaı tanym da, jat daýys ta.
Bireý ozyp keledi qatarynan,
Bireý minip jatqanda aptyǵysta.

Oıyn - tolqyn, jatqandaı asyp, tasyp,
Bireý myǵym, bireýler shalys basyp.
Bul oıynnan ótedi ǵulama oılar,
Jeńseń de, jeńilseń de qalma jasyp.

- Ana tili qazaǵymnyń qaımaǵy,
Tiliń seniń ómirińniń aıǵaǵy.
Búgin mine, oılan tap saıysyna,
Bilgirleri 5 «a»men 5 «b» synyby shyǵady.

Bizdiń top: «Bolashaq «5 «A»synyp
Bizdiń uranymyz: «Til bar jerde - ómir bar»
Bizdiń óleńimiz: Ana tiliń aryń bul,
Uıatyń bop tur bette,
Ózge tildiń bárin bil,
Óz tilińdi qurmette.

Bizdiń top: «Jasulan» 5 «B»synyp
Bizdiń uranymyz: «Súıemin týǵan tildi - qazaq tilin»
Bizdiń óleńimiz: Tilimizdiń bulaǵy,
Tirliktiń el júregi,
Ana tilin súıemin,
Otan úshin kúıemin.

Baǵdarlama 5 bólimnen turady.
1. Taqyryp ashý
2. Rebýstar jáne sózjumbaq sheshý
3. Sózderden maqal quraý
4. Logıkalyq tapsyrma
5. Jumbaqtar sheshý
Saıysqa 5 a, 5 b synyptar arasynan 14 oqýshy qatysady. Olaı bolsa eń aldymen eki toptyń bilimderi men tapqyrlyqtaryn synaǵaly otyrǵan ádilqazylar alqasyn saılap alaıyq.
Saıysymyzdy bastaıyq. Eki topqa sáttilik tileımiz.
Júrgizýshi:
Óser uldyń qaı sátte de birlik bolmaq qalaýy,
Laýla, laýla jeltoqsannyń muzǵa jaqqan alaýy.
Ózderińdeı ór namysty jas órkeni bar eldiń,
Eshqashanda tıisti emes eńkeıýge jalaýy, - dep Muhtar Shahanov atamyz jyrlaǵandaı, Táýelsizdigimizdiń 20 jyldyǵyna oraı ótkizilip otyrǵan saıysymyzdyń birinshi kezeńi «Taqyryp ashý».
Eki toptan eki oqýshy shyǵyp konvert alý kerek. Konverttiń ishindegi taqyrypqa ózderiniń oı – pikirlerin ashyp aıtý.
1 taqyryp. Egemen elimizdiń erteńinen ne kútesiz?
2 taqyryp. Táýelsiz Qazaqstanymyzdyń jetken jetistikteri týraly oı pikirińiz.

İİ bólim. Rebýs jáne sózjumbaq sheshý
Ár topqa jeke – jeke rebýs jáne eki topqa birdeı sózjumbaq beriledi.
Júrgizýshi:
Ana tiline, qazaqtyń el bolyp qalyptasýyna úlken úles qosqan han, bılerdiń esimi tarıhtan belgili. Aq pen qaranyń, shyndyq pen jalǵannyń, dostyq pen qastyqtyń ara – jigin ustaǵan zerdeli aqyl ıeleri, asyl sózdiń sheberi: Buqar jyraý, Aıaz bı, Jırenshe sheshenderimiz, Tóle, Qazybek, Áıteke bılerimiz «Týra bıde týma joq» dep ádildigin aıtqan, týǵan tilge degen tilekteri bir emes pe edi?! Osy danalyq sózder, ańyz - áńgimeler, maqal – mátelder, urpaqtan – urpaqqa jetti. Búgingi jas urpaq, senderdiń mindetteriń osy qasıetti sózderdiń mán – maǵynasyn uǵyný, túsiný.

Olaı bolsa, kelesi İİİ bólimimiz «Sózderden maqal quraý» dep atalady.
Bul bólimimizde oqýshylarǵa sózder beriledi, sol sózder týraly maqal – mátelder aıtady.
Sózder: til, el, otan, óner - bilim.

İY. Logıkalyq suraqtar.
1. Stol beti tórtburyshty. Onyń bir buryshyn kesip tastasa, neshe buryshy qalady? (5)
2. Qatar turǵan úsh sannyń qosyndysy da, kóbeıtindisi de 6 – ǵa teń? (1, 2, 3)
3. Tórt qoıdyń neshe aıaǵy bar? (16)
4. Bir sannan 5 – ti azaıtqanda 10 sany qaldy. Ol qandaı san? (15)
5. Januıada 7 er balanyń bir – birden qaryndasy bar. Januıada neshe bala bar? (8).
6. Esen bir kún jaıaýlap,
Aýyldan shyqty qalaǵa
Qarsy kelgen jolyqty
Dál on eki balaǵa.
Ár balanyń aldynda
Eki – ekiden laqtar bar
Ár laqtyń aýzynda
Tórt kúnbaǵys dáni bar.
Qalaǵa osy balalar,
Qansha dán, qansha janýar
Aparar eken? – dep oılap,
Esen basyn qatyrdy,
Taba almady aqyry.
Kane oılap kóreıik,
Esenge kómek bereıik.
(96 dán, 24 janýar)
7. Ásel shulyq toqyp otyr,
Láıla sabaq oqyp otyr,
Sara syrmaq syryp otyr,
Nurlan órmek quryp otyr.
Beken otyn tasyp jatyr,
Darıa qazan asyp jatyr,
Qýarshaǵyn jýyndyryp,
Lázzat otyr kıindirip.
Aldanbaıdy Murat biraq,
Apasynan kámpıt surap,
Joq dese de qoımaı jatyr,
Birer talǵa toımaı jatyr.
Qansha bala oınap otyr?
Qansha bala toımaı jatyr? (8 bala)

V. Jumbaqtar sheshý
1. Sýǵa qaınap, sorpasy shyqpas. (jumyrtqa)
2. Jas kezinde qara orman
Jyl ozǵan saıyn aǵarǵan. (shash)
3. kúni boıy sen ony,
Eki aıaqtap basasyń.
Jatar kezde ózińnen
Aýlaqtatyp qashasyń. (aıaq kıim)
4. Egizder kezikpeıdi bir – birimen,
Arasy eki – aq eli bir – birinen. (aı men tún).
5. Qarańǵyda jymyńdaıdy, janady,
Jaryq tússe birden sónip qalady. ( juldyz)
6. aıdahar aýzyn ashsa ars etedi,
Gaýhary jerge tússe, jarq etedi. (naızaǵaı)
7. oraq quıryq, taraq bas,
Jas uıqyny jaratpas. (átesh)
8. Qurlyqta júre bilmeıdi
Sýda júze biledi.
Saýyt qylyp ústine
Kúmisti tize júredi. (balyq)

Júrgizýshi: Qazaqstan - baıtaq ordam qazaǵym,
Tynysh bolsyn aspan, jeriń, ormanyń.
Men tileımin táńirimnen jalyna
Birligi men berekesin Ordamnyń – deı kele saıysymyzdy aıaqtaımyz. Táýelsiz elimizdiń bilimdi de, bilikti urpaqtary bop júre bergeısizder.