InfoHub Logo

Qazaqstandyq ánshi Móldir Muqanova óziniń týǵan kúni men Naýryz merekesiniń qatar kelýiniń erekshe máni týraly áleýmettik jelidegi paraqshasynda tolǵanysqa toly jazba jarıalady. Bul jazba oqyrmandar tarapynan jyly lebizderge ıe boldy.

Bul týraly Infohub.kz aqparat agenttigi habarlaıdy.

Ákesiniń esteligi

Ánshiniń aıtýynsha, ákesi buryn onyń týǵan kúnin búkil aýyl toılaıtynyn aıtyp otyratyn bolǵan. Sebebi, Móldirdiń týǵan kúni Naýryz merekesimen tuspa-tus keletin.

«Sol kezdegi ata-anamnyń aq adal júregi, appaq batasy... Qazir týǵan kúnimmen qatar búkil Qazaqstan Aıtty atap ótip, Naýryzdy toılap jatyr. Bul – úlken mánge ıe», – dep jazdy Móldir.

Ónerge degen mahabbat

Móldir Muqanova kishkentaı kezinen-aq ónerge jaqyn bolǵanyn aıtyp ótti. Qolyna dombyra ustap, sahnany sharlap, ónerin kórsetýge asyqqan.

«Stýdent shaqta da aınalamdy án qylý, sán qylý – ónerge degen, óleńge degen mahabbattan týyndady. Iá, ashylýdan bastalǵan jastyǵym úzilissiz jıyrma eki jyl boıy oshaq qasynda ótti. Biraq sahna men óner meni shaqyryp turdy. Allaǵa shúkir, nıetime qaraı el aldynda án shyrqap júrmin», – dep tolǵandy ánshi.

Ol erterek sahnaǵa shyqpasa da, eldiń ortasynda júrgenine baqytty ekenin jetkizdi.