InfoHub Logo

Móńke bı tús kórip, ony Syrym batyrǵa jorytpaq bolady.

– Bir joly báıgege 40 at qostym, bireýi de báıgeden kelmedi, 30 at qostym – bireýi de kelmedi, 5 at qostym, tórteýi báıgeden kelmedi de, bireýi ǵana márege aman jetti. Aman jetkeni sol, kele sala pyshaqqa ilikti. Álgi attyń ishin jaryp jibergenimde, qasqyr shyqty, qasqyrdy jarǵanda túlki shyqty. Túlkini jarǵanda, qoıan shyqty. Osyny joryp bershi, – deıdi Móńke bı.

Syrym tús jorýdyń jolyn Móńkeniń uzatylyp ketken qyzyna berýdi uıǵarady. Qyz tústiń jaıyn bilgen soń Syrymǵa:

- Tústi jezdeńe jorytpa, jıenińe jorytpa, áıelge jorytpa degen sóz bar edi. Sonda da aıtaıyn, - deıdi. Tús – adal tús, qıalı tús, shaıtanı tús dep úshke bólinedi. Muny qaı túske jatqyzarymdy bilmeımin, biraq onyń sheshýi mynadaı: «40 at degenimiz – musylmannyń 40 paryzy oryndalmaı qalatyn zaman bolady eken. 30 attyń báıgeden kelmeı qalatyny – 30 kún oraza ustamaıtyn zaman týady eken. 5 attyń tórteýi kelmeı, bireýi kelgeni – bes ýaqyt namaz qaza bolyp, ony bireý oqyp, bireý oqymaıtyn kez keledi eken. Qasqyrdyń shyqqany – kisinikin tartyp alyp, urlap jeıtin zorlyqshylar zamanynyń týatyny shyǵar. Túlki shyqqany – aldaýshy men arbaýshy kóbeıetin, túlkideı bulańdaǵan zamannyń kútip turǵany shyǵar. Qoıan shyqqany – urpaq úreılenip ósetin, kóleńkesinen qorqyp júretin zaman bolar», - dep joryp beripti.

Osyny aıtyp bolǵannan keıin Móńke bıdiń qyzy:

- Maǵan tús jorytqandaryńyz qate boldy, kúnderdiń kúninde áıel bılegen zaman keledi. Ol zamanda áıelden uıat ketedi, erkekten namys qashady, meniń úsh ret shaqyrǵanda zorǵa kelýimniń syry osynda edi, - depti.

 

• Móńke bıdiń boljamy
• Móńke bıdiń boljamy 2

---