InfoHub Logo

Joldan ótip bara jatqan kezdeısoq bireý jibek pillásindegi kishkentaı tesikti, sol tesikten shyqpaq bolyp tyrysyp jatqan kóbelekti kórip, uzaq ýaqyt baqylap qarap turypty.Birtalaı ýaqyt ótip, kóbelek kúrese almaı qalǵandaı boldy, al kishkene tesik sol kúıinde edi, úlkeıgen joq. Kóbelek qoldan kelgeninshe barynsha tyrysqandaı jáne budan bylaı eshteńege shamasy kelmeı qalǵandaı bolyp kórindi. Osyny baqylap turǵan adam kóbelekke járdemdeskisi kelip, qolyna báki alyp pilláni kesip, kishkene tesikti keńeıtti. Kóbelek birden syrtqa shyqty. Biraq onyń denesi álsiz, qýaty joq, qanattary qataımaǵan, ózi de zorǵa jyljıtyn edi. Adam kóbelektiń qımylyn baqylap turyp, sálden soń-aq kóbelektiń qanaty qataıyp, ushyp keter dep oılady. Biraq olaı bolmady. Kóbelek óziniń álsiz denesin jer baýyrlap súıretip júrip, qanaty jetilmegen kúıde qalǵan ómirin ótkizdi. Ol sol boıy usha almady. Olaı bolýynyń sebebi: adam kóbelekke járdem bergisi kelip, kóbelek ózi keńeıtip, ishinen ushyp shyǵýǵa tıis kishkene tesikti keńeıtti, kóbelektiń denesindegi suıyqtar onyń qanatyn qataıtýǵa jumsalatyn edi, olaı bolmaı qaldy. Solaı bolǵanda ǵana kóbelek ushyp ketetin edi. Jaratylys solaı: kóbelek kishkene tesikti keńeıtip, ushyp shyǵýǵa kúsh salý arqyly ábden shyńdalǵan, erkin ómirge ázir qalpynda shyǵatyn edi.

Ómirde bizge de naq osyndaı kúsh salýǵa týra keletin kezder bar. Kim ómir súrýi tıis bolsa, jolynda kedergiler bolady. Kedergi bolmasa biz kóp nárseden qur qalar edik, eshýaqytta qazirgideı kúshti bola almas edik. Biz eshýaqytta bıikke samǵaı almas edik.

Men ómirden kúsh surap edim, al ómir meni kúshti etý úshin qıyndyqtar berdi.

Men ómirden aqyl surap edim, al ómir maǵan sheshilýi tıis problemalar berdi.

Men ómirden baılyq surap edim, al ómir maǵan jumys istesin dep mı men qýat  berdi.

Men ómirden ushý múmkindigin surap edim, al ómir maǵan jeńsin dep kedergiler berdi.

Men ómirden mahabbat surap edim, al ómir maǵan olardyń problemalaryn sheshýge járdem bersin dep adamdar berdi.

Men ıgilikter surap edim, ómir maǵan múmkindikter berdi.

Men suraǵandarymnyń ishinen eshteńe de ala almadym...

Biraq men ózime kerektilerdiń bárin aldym.

Qorqynyshsyz ómir súr, kedergilerdi batyldyqpen kútip al jáne olardy jeńe alatynyńdy dálelde.

---