InfoHub Logo

Muǵalimniń jaýapty mindeti – ol adamdy qalyptastyrý. Búgingi tańdaǵy óskeleń urpaqty tárbıelep, ósirý – muǵalimdik qyzmetke artylǵan úlken mindet. Muǵalimdik qyzyǵy men qıyndyǵy qatar júrer, mol eńbekti, úlken shydamdyqty talap etetin qyzmet. Kishkentaı kúnimnen aıaǵyma bıik ókshe týflı kıip alyp, ózimnen kishilerge sabaq oqytyp, muǵalim bolýdy armandaımyn. Bala boıynda bilim nárin sebetin, adamgershilik dánin egetin basty tulǵa - ustaz. Adam janyn nurlandyrar uǵymynyń ulysy – ustaz. Elbasymyz N. Nazarbaev halqymyzdyń bolashaǵy týraly tereńnen tolǵaı, «Memleketimizdiń eń basty dúnıesi tek qana tabıǵı baılyq emes, sonymen qatar jasóspirim urpaǵy, óıtkeni olar- bizdiń ultymyzdyń bolashaq aınasy» degen. Olaı bolsa, jas urpaqqa bilim men tárbıe beretin ustaz – baǵa jetpes bıik tulǵa.

Ustazdyq uly qasıet. Ustaz – bilim nárimen sýsyndaǵan jan. Abaı atamyz «Sen de bir kirpish dúnıege,ketigin tap ta, bar qalan» dep aıtqandaı ár oqýshyǵa bilim berip, oǵan ómirlik baǵyt siltep ómirge «kirpish» bolyp qalanýyna zor úles qosýshy- muǵalim. Bilimdi, tártipti, tárbıeli, ınabatty,jany taza rýhy bıik, Otanshyl adamdy, tulǵany qalyptastyryp, baptaıtyn adamnyń ózi de qandaı bolýy kerek, ol kim? Árıne, ol «uly» degen sózben aıtatyn ustaz, muǵalim. Elbasymyz Nazarbaev N.Á «Elimizdiń erteńi búgingi jas urpaqtyń taǵdyry ustazdyń qolynda» -dep atap kórsetken.Mamandyqtyń bári jaqsy desek te, ustaz orny erekshe. Árıne, bala janymen bite qaınasqannyń  orny – mektep.

Elime óz úlesimdit qosý maqsatynda qazaq tili men ádebıeti pániniń muǵalimi bolýdy tańdadym. Qazaq tili qashanda qudiretti, qasıetti til. Til – ǵasyrdan ǵasyrǵa, zamannan zamanǵa jetkizetin halyqtyń asyl murasy, sarqylmas baılyǵy desek, ádebıet-kórkem shejiresi, tarıhy. Ana tilimiz ben týǵan ádebıetimizdiń mereıi úshin qyzmet etip, tilimizdi ózine laıyqty shyńyna qondyrýǵa úlesimdi qossam ıgi edi. Egemen elime óz úlesimdi qosyp, táýelsiz memlekettimniń  urpaǵyn bilimmen sýsyndatyp, bilimniń bıiginen kórsetý-men úshin úlken baqyt. Adam ómirinde mamandyq tańdaýdan qatelespeý kerek degen sóz bar ǵoı, ol shyndyq. Jumysyńdy ańsap barý, qýanyp qaıtý, ózińniń ne bitirgenińdi, endi ne isteıtinińdi bilý, bul — mamandyǵyn súıgen adamnyń isi. Ustaz - tereńde jatqan kendi ashyp, armansyzǵa arman uıalatyp, qanatsyzǵa daryn qanatyn bitiretin ǵajaıyp kúsh ıesi. Men osyndaı mamandyq ıesi bolýdy maqtan tutamyn

«Shornaq» jalpy orta mektebiniń
7«Á» synyp oqýshysy: Jaqyp Uljalǵas
Jetekshisi: Jýmagýlova Raýshan Boranbaevna
 

---