InfoHub Logo

Qurmetti, Ustazym! Sizdi bárimizdiń qamqorshymyz, shákirtterińizdiń jyly júrekti ustazy bolǵanyńyzdy maqtan etemiz!

Kóp jyldar boıy aqyryn júrip, anyq basqan ustaz bolýyńyzben birge, bizdi sabyrly minezben, salıqaly salmaqty aqylyńyzben tárbıeledińiz, árqaısymyzdyń ómirdi óz ornymyzdy tabýymyz úshin bergen aqyl-keńesterińizge, bizdi el qataryna qosqanyńyzǵa myń da bir rahmet aıtyp, shákirttik yqylasymyzdy bildirgimiz keledi. Úlken bıikke qol jetkizýimizge, kisilikke, adamgershilikke tárbıelegenińiz úshin biz sizge árqashan qaryzdarmyz.

Qoǵamnyń árbir jańalyǵyn jyly qabyldap shákirtterdiń boıyna jetkize bilgenińizben qatar, boıyńyzdaǵy bar jınap-tergen bilimińizdi oqýshylardyń sanasyna sapaly etip sińire bildińiz, balalaryńyzdyń bilimdi, parasatty bolyp shyǵýyn maqsat ettińiz. Ol armanyńyz ózińizdiń eren eńbegińizdiń arqasynda oryndaldy. Biz soǵan shyn júrekten qýanamyz. Sizge áli de shyǵarmashylyq jumystyń jemisin jep, bizdiń qyzyǵymyzǵa kenele bersin dep tileımiz.

*** *** *** ***

Ǵajaıyp dúnıe syryn uqtyryp, bilim bergen, úlken ómirge aq jol tilep attandyrǵan Ustazdarymyzǵa máńgi taǵzym.

*** *** *** ***

Shákirtterine asa meıirimdi, sózine berik, shynshyl minezdi, júregi batyr, ónegesi asyl, jany jomart, peıili darqan, eren eńbekshil, baılamy berik, oıy ótkir ustazdar!

*** *** *** ***

Ustaz degen uǵym bar, myna dúnıede. İlmeıtindi ildiretin, bilmeıtindi bildiretin. Sanaǵa aqyl uıalatatyn, armandy aldan qıalatatyn. Ómirdi uǵynýyńa sebep bolatyn, tirlikke kirýińe kómek bolatyn. Ár kezde aıalaıtyn, dáristi aıamaıtyn. Byqsytpaıtyn, jandyratyn. Tulǵalyq tabıǵatyn máńgilik qaldyratyn. Uǵymy ushar bıikpen para-par ustazdyń birinen bizder de tálim aldyq.

*** *** *** ***

Muǵalim — mamandyq, ustazdyq — qasıet. Iaǵnı, ustaz bolý — adam boıyndaǵy uly qasıetterdiń biri. Endeshe, osynaý úlken uǵymdaǵy ustazdyq qasıetke barynsha adaldyq tanytyp, bar sanaly ǵumyryn osy salaǵa arnaǵan, ustazdarǵa qandaı maqtaý, madaq aıtsaq ta artyqtyq etpeıdi.

*** *** *** ***

El ıgiligi úshin eńbekpen etene aralasyp, jarqyn bolashaqqa qarymdy qadam jasaǵan ulaǵatty ustazdyń ómiri qıyndyq pen qýanyshqa toly.

*** *** *** ***

Ustazy jaqsynyń — ustamy jaqsy degen sóz teginnen-tegin aıtylmasa kerek. Ata-anadan keıingi balaǵa bilim berip, tárbıe úıretetin sol ustaz.

*** *** *** ***

Ustazdar kúni — bul dástúrli ári búkilhalyqtyq mereke desek artyq aıtqandyq bolmas. Uly ǵulamalardyń da ustazy bolǵan, sondyqtan bolar osy abyroıly mindetti atqaryp júrgenderdi halqymyz árqashan erekshe qurmet tutqan. Ustazdyń ár adamnyń júreginen alatyn orny aıryqsha, qolyna qalam ustatyp, alǵash álippeni úıretken muǵalimin jylylyqpen eske almaıtyndar kemde kem bolar.

"Ustaz" sóziniń ózi "Otan", "Ar", "Adamgershilik" sıaqty qasıetti uǵymdardyń qatarynan oryn tebýiniń ózinde úlken mán jatyr.

Qazaqstannyń aldynda básekege qabiletti elderdiń qatarynan kóriný mindeti tur. Bul óz kezeginde ustazdardyń moınyna eki ese jaýapkershilik júkteıdi. Sebebi, erteńgi kúnniń qoǵamdyq-saıası, ekonomıkalyq máselelerin sheshe biletin bilimdi de bilikti urpaqty tárbıeleý sizderdiń qoldaryńyzda, qurmetti ustazdar! Bilim berýdiń kúrdeli mindetterin rýhanı baı, pedagogıkalyq daryny bar, shyǵarmashylyq, kásibı tásilderdi jetik meńgergen jáne jańalyqqa qushtar jan-jaqty tulǵa ǵana sheshe alady. Sizderdiń osy baǵyttaǵy eńbekterińiz jana bersin! "Ustaz baqyty — ozyp týǵan shákirti" dese, attaryńyzdy Aı-álemge pash etetin talantty da bilimdi shákirtterińiz kóbeıe bersin!

*** *** *** ***

"Ustazdyq etken jalyqpas, úıretýden balaǵa" — degendeı, ár shańyraqtyń úmit kútken ul-qyzdary sizderdiń bilimderińiz ben bilikterińizge júginip, senip keledi. El erteńi bolyp tabylatyn ulandardyń boıyna bilim men ónerdi, adamgershilik pen adaldyqty, týralyq pen shynshyldyqty, rýhanı baılyq pen ulttyq qasıetterdi sińirip, olardy tulǵaly azamat etip qalyptastyrýda sizderdiń úlesterińiz orasan mol.

*** *** *** ***

Jas urpaqty oqytý men tárbıeleý jolyndaǵy eńbekterińizge tabys, shyǵarmashylyq jetistikter, salamatty densaýlyq jáne bilim men ǵylymdy ıgerýde ilgeri izdeniste bolýlaryńyzdy tileımin.

*** *** *** ***

Ult ustazy, qazaqtyń ótkeni ǵasyrdaǵy rýhanıatynyń kóshbasshysy Ahmet Baıtursynuly: "Mekteptiń jany — muǵalim. Muǵalim qandaı bolsa, mektebi Hám sondaı bolmaqshy, ıaǵnı muǵalim bilimdi bolsa, bilgen bilimin basqaǵa úırete biletin bolsa, ol mektepten balalar kóbirek bilim bilip shyqpaqshy. Solaı bolǵan soń, eń áýeli, mektepke keregi — bilimdi, pedagogıka, metodıkadan habardar, oqyta biletin muǵalim"- depti. Arada bir ǵasyr ótse de, Alash arysynyń bul sózi áli kún tártinen túsken joq. Otanymyzdaǵy mıllıondaǵan balaǵa bilim úıretip, tárbıe taǵylymyn darytyp kele jatqan myńdaǵan muǵalim qaýymyn tól merekesimen quttyqtaımyz! Óziniń isimen, óziniń sózimen egemen elimizdiń bolashaǵyn oılaıtyn, táýelsizdigin qorǵaıtyn bilimdi urpaqtyń tálimgeri sizdersizder! Urpaq tárbıesi jolynda qyzmet etip kele jatqan muǵalimderdiń ata-anadan keıingi atqarar róli erekshe, Táýelsiz memleketimizdiń basty qundylyǵy — bilimdi adam. Tek óz Otanymyzdaǵy bilim úrdisimen shektelip qalmaı, álemdik bilim keńistigine shyǵý jolyndaǵy qadamdaryńydyń ózi básekelestiktiń baǵyn ashady. 

*** *** *** ***

Bilim salasy qyzmetkerlerin tól merekeleri — Muǵalimder kúnimen quttyqtaımyz! Sizderdiń mamandyqtaryńyz eldegi eń qadirli, eń mereıli ári asa jaýapty merke. Sebebi, Qazaqstannyń bolashaǵy sizderdiń qoldaryńyzda. Balanyń bolashaǵy, oqýda qandaı jetistikke jetetini, ómirde qanshalyqty tabysty, isker bolatyny tikeleı tálimgerge baılanysty. Elbasynyń aıryqsha kóńil bólýi nátıjesinde bilim mekemelerin kóbeıtý jáne olardyń materıaldyq-tehnıkalyq bazasyn zamanýı qondyrǵylarmen jabdyqtaý arqyly bilim salasyn damytýǵa barlyq jaǵdaı jasalyp keledi. Onyń barlyǵy bilim sapasyn arttyrýǵa, kásibı sheberlikti nyǵaııtýǵa, muǵalimderdiń áleýmettik mártebesin joǵarylatýǵa yqpal etetini sózsiz. Bul sizderdiń Qazaqstan azamattaryn óz eliniń patrıoty jáne tárbıeli ári jaýapty adam etip tárbıelep shyǵatyndaryńyzǵa senimdimiz. Qurmeti ustazdar men bilim salasynyń ardagerleri! Sizderdi mereıli merekelerińizben shyn júrekten quttyqtaı otyryp, myqty densaýlyq, shyǵarmashylyq tabystar, izgi mahabbat pen meıirim tileımiz!

*** *** *** ***

Ustaz,ustaz!!!
Osy sózde jatyr qansha ulylyq,
Osy sózde taýsylmaıtyn jylylyq.
Ál farabı, Ybyraı men, Aqańdy
Osy sóz ǵoı qoıǵan bizge ulyǵyp.
Ustaz sheber qısyqtardy jóndeıtin,
Tentekterdi aqylmemen emdeıtin,
Bolsa daǵy malǵa kedeı ómirde.
Bar baılyǵym shákirtterrim sen deıtin!

Qurmetti ustazdar sizderdi shyn júrekten merekelerińizben quttyqtaımyz! Uzaq ómir, qajymas qaırat, taýsylmas baqyt, uzaq ómir, zor densaýlyq, talmas qanat tileımiz!!!

*** *** *** ***

Qurmetti ustazdar!

Tamasha mereke — Muǵalimder kúni qarsańynda ózimizdiń súıikti ustazdarymyzdy osy bir aıtýly oqıǵamen shyn júrekten quttyqtaımyn.
Biz bilim ordasy — mektep tabaldyryǵyn attap, onda qazyqty da tereń bilim alyp, tylsym dúnıeni tanydyq. Ustazdarymyz bizdi bilim tuńǵıyǵynan nár aldyryp, qarjyllylqqa, izgilik pen adamgershilikkke baýlydy, tabandylyqpen eńbek etip, aldymyzǵa bıik maqsattar qoıýdy úıretti.

"Ustaz, seniń aldyńda bas ıýge ruqsat et!" — degen kópke tanymal óleń joldarynda osy bir jankeshti abzal jandarǵa degen ulanǵaıyr alǵys kórinis tapqan.

Qurmetti Ustazdar, búgin sizderdiń merekelerińiz!

Sizderge densaýlyq, baq-bereke tileımin. Shákirtterińiz bıik shyńdardan kórinip, eńbekterińiz aqtala bersin!

*** *** *** ***

Qurmetti, elordalyq ustazdar! Sizder Nur-Sultannyń tórinde otyryp, bas qalanyń balalaryn oqytýda talmaı eńbek etip, bilimmen sýsyndatyp, elimizdiń damýyna atsalysyp kelesizder. Sońǵy onjyldyqta elordalyq bilim júıesiniń qarqyndy da nátıjeli damýy búkil elimizdiń bilim oshaqtaryna úlgi bolarlyqtaı boldy. Munyń barlyǵy, myna otyrǵan sizderdiń arqalaryńyz. Barshańyzdy búgingi mereıli merekelerińizben quttyqtaımyz!

*** *** *** ***

Qurmetti ustaz qaýymy! Sizderdi qazan aıynda atalyp ótetin Muǵalimder kúnimen shyn júrekten quttyqtaımyz! Sizderdiń bala kóńilderińiz ár oqýshynyń jandúnıesin nurlandyryp, júregine shapaǵat nuryn tógýde. Muǵalimnen ónege-bilim alyp, ómir teńizine qulash urǵan kez kelgen shákirt ustazymen maqtanady. «Mekteptiń júregi», «Bala janynyń baǵbany»… Iá, bul mektep muǵalimi — ustazǵa arnalǵan teńeýler. Mundaı madaqtaýlardy jalǵastyra bersek, danalyq sózder tizbegi sheksizdikke ulasady. Mereıli merekede denderińizge saýlyq, otbasylaryńyzǵa amandyq, isterińizge sáttilik tileımiz.

*** *** *** ***

Urpaq tárbıesi — ustazǵa baılanysty. “Uıada ne kórseń, ushqanda sony ilersiń” degendeı ónegeli ustazdan jaqsy shákirt shyǵatyny sózsiz. Ustaz — ulaǵatty esim. Shákirtterin bilim nárimen sýsyndatyp, tálim-tárbıe berý, jaqsy qasıetterdi boıyna darytyp, adamgershilik rýhta baǵyt-baǵdar berýde ustazdyń eńbegi zor. Sondyqtan da ol árdaıym qasıetti tulǵa retinde erekshelenedi. Bilim kóshin jyljytyp kele jatqan ustazdar qaýymyna qurmet arta bermek! Sizderdi kásibı merekelerińizben shyn júrekten quttyqtaımyz!

Ustazdarǵa jáne mektep ujymyna shyǵarmashylyq tabys, qajymas qaırat, zor densaýlyq tileımiz.

Aq júrekpen sezip «Ustaz baqytyn»,
Shákirtimen ótken barlyq ǵumyry.
Sizge arnaımyz tilektiń eń jaqutyn,
Dańqyńyzdyń bıik bolsyn tuǵyry.

*** *** *** ***

Mine, jadyrap jaz ótip, altyn kúz de kelip jetti. Tabıǵattyń osy bir jyl mezgilin árkim-aq syńǵyrlaǵan jez qońyraý únimen, mekteptegi muǵalimder men oqýshylardyń qarbalas, saǵynysa tabysqan qýanyshty sátterimen elestetedi. Jańa oqý jylymen qatarlas keletin Muǵalimder kúni de kúzdiń úlesine tıipti. Mektep qabyrǵasynan áldeqashan alystap ketse de, boıynda jylýy bar árbir parasatty azamat álip úıretip, bilim teńizine jetelegen ustazdary men balalyq shaǵynyń talaı qyzyqty kúnderine kýá bolǵan altyn uıa — mektebin árdaıym úlken saǵynyshpen, qurmetpen eske alyp otyrady.

Asa kórnekti qazaq geology, ǵalym, qoǵam qaıratkeri, Qazaqstan Ǵylym akademıasynyń uıymdastyrýshysy jáne tuńǵysh prezıdenti, akademıgi Qanysh Sátbaevtyń aıtýynsha “...1 qyrkúıekte ne saltanatty sherý, ne salútter bolmaıdy. Biraq bul kún eshqandaı merekemen teń kelmeıtin, bilimniń asqar shyńyna jeteleıtin, qaıtalanbaıtyn kún. Budan asqan uly mereke joq”- dep tolǵaǵan.

Olaı bolsa, muǵalim baqyty — shákirt qurmeti.

Bilim kóshin jyljytyp kele jatqan ustazdar qaýymyna qurmet arta bermek! Sizderdi kásibı merekelerińizben shyn júrekten quttyqtaımyz!

*** *** *** ***

Urpaq bolashaǵy, halqymyzdyń keleshegi qazirgi ustazdardyń qolynda.

Ustaz bolý — júrektiń batyrlyǵy,
Ustaz bolý — sezimniń aqyndyǵy,
Ustaz bolý — minezdiń kún shýaǵy,
Azbaıtuǵyn adamnyń altyndyǵy —

dep aqyn Ǵ.Qaıyrbekov jyrlaǵandaı, sózi marjan, úni án ustazdardyń bar bolǵanyn maqtanysh etemin. Árıne, ustaz  júgi — aýyr júk. Ustazdardyń áserli únmen, asyqpaı mánerlep sóılegen sózinen árbir oqýshyǵa  degen qamqorlyqtyń, analyq, ákelik sezimniń dana oıdyń ystyq lebi esip turǵandaı. Iá, adamnyń jan dúnıesin túsinip, renjitpeı, qateligin sezdire bilý — bul naǵyz sheberlik emes pe?!
Osy ustazdar jaıynda halqymyzdyń uly batyry Baýyrjan Momyshuly “Ustazdyq — uly qurmet. Sebebi, urpaqtardy ustaz tárbıeleıdi. Bolashaqtyń basshysyn da, danasyn da, ǵalymyn da, eńbekqor eginshisin de, kenshisin de ustaz ósiredi... Ómirge urpaq bergen analardy qandaı ardaqtasaq, sol urpaqty  tárbıeleıtin ustazdardy da sondaı ardaqtaýǵa mindettimiz” degen.

Bala boıyna ata-anadan keıingi aqyl-oı, adamgershilik, ádeptilik, ar-uıat, ulttyq sana-sezimdi sińirýshi adam — Muǵalim.

Endeshe óz isine berilgen, jańalyqty jatsynbaı qabyldaıtyn, shákirtiniń janyna nur quıyp, ómirge ózi de baqytty bolyp, ózgelerdi de baqytqa jetkizsem dep júretin ustazdardyń jóni de, joly da bólek.

“Ustazdyq etken jalyqpas, úıretýden balaǵa” dep Abaı atamyz aıtqandaı, ustaz eńbeginiń qyr-syry mol, qıyn da jaýapty, shyǵarmashylyq eńbek ekendigin barshamyz moıyndaımyz.

*** *** *** ***

Ál Farabı babamyzdyń tárbıesiz bergen bilimniń nátıjesiz bolatynyn kóregendikpen aıtqan, tárbıe men bilim berý isin tarazynyń basyndaı teń ustaýdy umytpańyzdar!