InfoHub Logo

Ustaz degen uly sóz ulaǵatty,
Ol bolmasa, kim beredi parasatty.
Asylyn berip shákirt boılaryna,
Aǵartqan sol úshin de qara shashty.
 
Ustazǵa árkim basyn ıý kerek,
Kemeńger, aqylshym dep bilý kerek.
Sen búgin keremet bop ketseń daǵy,
Jetkizgen sol ustaz dep bilý kerek.
 
Jaqsylar umytpaıdy ustazdaryn,
Oılaıdy, olar sonymen ushtalǵanyn.
Máńgilikke maqtanyp ótedi ustaz,
Shákirtiniń bıikke shyqqandaryn.

*** *** *** ***

Tula boıyń tunǵan sabyr,
Keshirim,
Aıqara ashtyń bizge bilim esigin.
Ór tulǵańdy balap shyńǵa,
Ustazym,
Men ózińe tánti bolsam, nesi min?!
 
Bala eldiń bolashaǵy bolǵanda,
Zor paıdany tıgizesiń qoǵamǵa.
Mamandyǵyń - kásipterdiń abzaly,
Adamdyǵyń qymbat bizge odan da.
 
Ashyq bolsyn nurǵa toly kógimiz,
Aman bolsyn elimiz ben jerimiz.
Amanattap tapsyramyz taǵdyrdy -
Anamyz dep qabyldadyq seni biz!
 
Ár tań saıyn jańa arman qushamyz,
Ustazymyz - úlgi bizge isi ańyz.
Jaqsylyqty, tátti úmitti tanytqan
Ózińizdi máńgi úlgi tutamyz

*** *** *** ***

Zavodta bolsań, kúnbe-kún
kóriner edi tabysyń.
Dáriger bolsań, túrli emiń –
syrqaýly jannyń baǵy shyn.

Al seniń eńbek jemisiń
ózgeshe tipti basqadan:
ol - ózin arnap el úshin
osynaý júrgen jaqsy adam.

Jaqsy adam – eldiń tiregi,
baılyǵy týǵan halyqtyń,
shapaǵyn shashar únemi
kóginde turǵan jaryq kún.

San jastyń qamyn shertesiń,
taǵdyryn oılap tolǵanyp.
Ár úıdiń bir-bir erkesin
úırettiń óziń qolǵa alyp.

Ustazsyz janda sónbek kún,
shákirtsiz ómir – sýsyz jer.
Kórinbes ǵajap eńbektiń
beınetin keship júrsizder.

Júrekte turar jalqy úniń,
janymnan jalyn jiger kút.
Ustazym, seniń ár kúniń,
ár sátiń turǵan bir erlik!

Farıza Ońǵarsynova

*** *** *** ***

Nur quıdy ma sábı – gúl - áldı eli,
Júregińde qasıet bar kıeli...
Shákirtterge ustazdar dáris berse,
Siz ustazǵa úırettiń tárbıeni.
 
Uzaq jyldar mekteptiń basshysy bop,
Tárbıeni úırettiń basqyshy kóp...
Ónegeli eline eńbek ettiń,
Sálem berer sondyqtan dos kisi kóp.
 
Azamatqa júretin balap elim,
Sondaı jurtqa qadirli adam ediń!
Ul-qyzdaryń qondyrǵan uıasyna,
Men de Sizdi bir taýǵa sanap edim.

*** *** *** ***

«Talpynǵan baqytyna bolady kez,
Arnaly daryndardan qalady sóz» -
Dep quıǵan qulaǵyna shákirtterdiń,
Adamsyz –
Dana oıly,
Bal minez!

*** *** *** ***

Ustazdar – tynshymaıtyn eńbekkerler,
Jemisti jerge ekpegen, elge ekkender,
Adamzat urpaqtaryn tárbıelep,
Zerdesin bolashaqtyń zerli etkender.

*** *** *** ***

Qutty bolsyn mereıtoı, ustazymyz,
Oryndalsyn oıǵa alǵan armanyńyz.
Bolashaqqa bilim men jol siltegen
Eńbegińe biz máńgi qaryzdarmyz.
Basyńyzǵa baq uıalap, baqyt qonsyn,
Bereke-yntymaqpen orta tolsyn.

*** *** *** ***