Senimsiz basym, paıdasyz jasym armanda
Jetermisiń tilegińe jalǵanda?
Qan tamshylap tursa da kózden jas aǵyp,
«Seniki jón», - dep kulaqqa ilgen jan bar ma?
Eleń eter namysqa qyzyp jigit az,
Bul ne ǵajap - jurt kereń bop qalǵan ba?
Men ne bolsam, bolaıyn saǵan sadaqa,
Súıikti jurtym, qaqpanǵa túsip aldanba.
Syrty tunyq, ishi laı jaýyn bar -
Jany ashıtyn jaqyn sol dep maldanba.
Jurttyǵyńdy joǵaltpaı álden, basyń qos,
Ozý qıyn kómbe jerge barǵanda.
Bola berme, jazǵan qazaq, jasqanshaq,
Kúniń jetti muńyńdy shaǵyp zarlarǵa.
Aksaqaldar kósemdik qylsa, el bastap,
Er artynan, jas azamat, arlanba!
Shash ósirgen oryssha oqyp jas jandar,
Joldy kórset adaskan elge, pańdanba.
Jurt paıdasy degen joldan tartynbaı,
Dáýletińmen járdem tıgiz, baılar da.
Sharıǵat satyp mal jıǵanǵa salynbaı,
Aǵart, jurtty, moldekelar, qamdan da.
Sen de qysqart aqynsymaı sózińdi.
Syryń maǵlum, jat tynyshyńa jaılan da.

---