InfoHub Logo

Pavlodar qalasynyń
№29 orta bilim berý mektebiniń
qazaq tili men ádebıeti páni muǵalimi
Apsalámova Ásemgúl Arystanqyzy

Qazaq ádebıeti 9 synyp
Sabaqtyń taqyryby: Muqaǵalı Maqataevtyń «Raıymbek, Raıymbek» poemasy
Sabaqtyń maqsaty: Shyǵarmanyń mazmunyn meńgertý, taqyryby men ıdeıasyn ashqyzý, til kórkemdigin tabý. Shyǵarmaǵa kompozısıalyq, jan - jaqty taldaý jasaý arqyly, ádebı tilde sóıleýge daǵdylandyrý.
Sabaqtyń tıpi: Jańa bilimdi ıgertý sabaǵy
Sabaqtyń túri: Aralas sabaq
Sabaqtyń ádisi: Kýbızm strategıasy, toptyq, juptyq jumys, dıalogtik oqytý, STO
Sabaqtan kútiletin nátıje: oqyǵan shyǵarmanyń mazmunyn tolyq meńgerýi.

Sabaqtyń barysy:
Sabaq kezeńderi
Muǵalimniń is – áreketi
İ. Uıymdastyrý Amandasý. «Qara jorǵa bıi»
Psıhologıalyq ahýal týǵyzý. Oqýshylardyń jas erekshelikterin eskerý.
Topqa bóliný
(Sanǵa baılanysty bóliný). Róldik oıyn engizý. (Basshy, hatshy, taımspıker, reporter)

İİ. Úı tapsyrmany tekserý M. Maqataevtyń shyǵarmashylyǵyna baılanysty joǵary deńgeıli suraqtar
Joǵary deńgeıli suraqtar
1. Muqaǵalıdiń sheber sýretkerligin tanytatyn peızajdyq óleńderinen mysal keltirińizder.
2. Aqyn elge, jerge degen sheksiz mahabbatyn óz jyrlarynda qalaı sýrettep kórsetedi?
3. Aqyn shyǵarmalarynan kórinetin halyq danalyǵy - ulttyq ónegesi týraly aıtyp berińder.
Jańa sabaq
Dıalogtik ádisti paıdalaný. Talantty jáne daryndy balalardy eskerý.

İİİ. Qyzyǵýshylyǵyn oıatý
Oı qozǵaý
«Men bir nársege – poezıanyń tirshilikpen birge, ıaǵnı adammen, tabıǵatpen birge óletinine - kámil senemin. Adamzat jany qatygez tartsa tarta bersin. Qaıtse de bir parasatty adam qalady. Ol – aqyn. Aqyrǵy sóz soniki»,- dep ózi kúndeliginde jazǵandaı Muqaǵalı poezıasy ómirmen birge jasasyp keledi. Aqyn jyrlaryn oqı otyryp árkim odan óziniń búgini men ótkenin, keleshegi men armanyn kóredi. Kóredi de sodan sabaq alady.
Jetkiz jurtqa búgini, ótkenderin,
Qysyn, kúzin, jazy men kóktemderin.
Jadynda tutsyn urpaq jasyrmaı aıt,
Aqtaban shubyryndy ótkelderin,
Arýdy aram jandar ópkenderin,
Boz ingen botasy ólgen boı jaza almaı,
«Elim - aı»
Arýana shókken jerin.
Ólshesin búgini men ótkenderin! – aqyn óziniń shyǵarmalary arqyly týǵan jeriniń qadyr - qasıetin, tarıhyn keleshek urpaqqa uǵyndyryp ketýge tyrysady. Soǵan mysal retinde «Raıymbek» poemasyn alýǵa bolady.
Muqaǵalıdiń hatyn oqý, ol arqyly taqyrypqa shyǵý. STO, AKT tehnologıalaryn qoldaný.

İÝ. Maǵynany taný
Búgingi sabaqta M. Maqataevtyń «Raıymbek, Raıymbek!» poemasyna taldaý jasaı otyryp oqımyz. Aqynnyń tereń oımen jazylǵan bul shyǵarmasy jońǵar shapqynshylyǵy kezinde eline qorǵan bolǵan Raıymbek batyrǵa arnalady.
Taqtaǵa jospar ilinedi.
1.«Qarataýdyń basynan kósh keledi».
2. «- Óziń bala bolsań da, sóziń dana, otty eken,
Aq kún týsyn aldyńnan, basqa aıtarym joq bóten».
3. «Daýasy joq jan eken, oty janǵan,
İlesińder osyǵan oty barlar!»

Oqýshylar birlese top ishinde otyryp shyǵarmanyń kompozısıalyq josparyn qurady. Osy jopar boıynsha shyǵarmanyń mazmuny aıtylady.

Kompozısıalyq jospar:
Oqıǵanyń bastalýy: Jaý shapqan qazaq aýyly.
Oqıǵanyń baılanysy: Jyraýdyń balaǵa kezdesýi.
Oqıǵanyń órbýi: Jyraý men balanyń áýlıege baryp táý etýi.
Oqıǵanyń shıelenisýi: Balanyń óz atyn urandaýy, halyqtyń narazylyǵy.
Oqıǵanyń sharyqtaý shegi: Qatal syn.
Oqıǵanyń sheshimi: Raıymbektiń qolbasshylyqqa qol jetkizýi.

Jospar boıynsha taqyrypty somdaý. Top ishinde kompozısıalyq qurylysyn jasatý. Oqýshylardyń jaýaptaryn baǵalaý. STO strategıasyn engizý. Dıalog ádisi
Sergitý sáti
«Shyrmaýyq sheshý» oıyny. Top aýystyrý.
Kýbızm strategıasy boıynsha taldaý
İ top. Taldaý
İİ top. Dáleldeý.
İİİ top. Sıpattaý.
İÝ top. Salystyrý.
Ý top. Zerdeleý
Oqytýdaǵy jańa tásilderdi paıdalaný.
Ý. Shyǵarmashylyq jumys
«Aqtaban shubyryndy» kórinisin kózben kórý. Sýretin salǵyzý.
Ýİ. Refleksıa
Qorytyndylaý
Ýİİ Baǵalaý.
Aldyn - ala berilgen baǵalaý paraǵy arqyly ár kezeńinen keıin baǵalatý.
Ýİİİ. Úı tapsyrmasy
«Bolar bala on besinde baspyn der» Raıymbektiń áreketine taldaý jasaı otyryp esse jazý