InfoHub Logo

Sabaqtyń taqyryby: Muryndyq jasaý úlgisi
Sabaqtyń maqsaty: Aǵashtan, súıekten jasalatyn buıym túrlerimen tanystyra otyryp, buıym jasaý ádisin úıretý.
Damytýshylyq maqsaty: Oqýshylardyń óz betimen jumys isteý qabiletin damytý. Teorıalyq bilimderin, shyǵarmashylyq iskerligin is júzinde damytý.
Tárbıelik maqsaty: Eńbek súıgishtikke, iskerlikke, shydamdylyqqa tárbıeleý.
Qural - jabdyqtar: Ara, egeý, pyshaq, qashaý, túrpi qaǵazy, syzǵysh, karandash, tobylǵy, jyńǵyl.
Kórnektilikter: Daıyn muryndyq, muryndyq syzbasy.
Sabaqtyń túri: Aralas sabaq.
Ádisi: Saramandyq jumys.

Sabaqtyń barysy:
1. Uıymdastyrý kezeńi.
2. Jańa sabaq túsindirý.
3. Oqýshylardyń bilimi bekitý.
4. Oqýshylardyń tapsyrmany oryndaý kezeńi.
5. Qorytyndy.
6. Baǵalaý.
7. Úıge tapsyrma.

Kirispe: Ótken sabaǵymyzda súıekten birneshe buıymdar jasaýdy úırendik. Al endi búgingi sabaǵymyzda aǵashtan birneshe buıymdar jasaýdy qarastyramyz. Qazaqtyń jeri keń - baıtaq ólkede ushan teńiz baý men baq, jıdegi men torańǵysy, qaıyń, qaraǵaı, shyrshaly ormandary bar.

Muǵalim: - Balalar, aǵash týraly ne bilesińder?
Oqýshylar: - Aǵashtan úı múlikterin jasaǵan. Sandyq, tósek aǵash, jastyq aǵash, kebeje, besik, ydystar t. b.
- Úı múlkinen basqa ne jasady?
- Kıiz úı súıegin, shana qora t. b.
- Aǵash týraly qandaı ańyz bilesińder?
- Aǵash týraly qandaı aıshyqty sózder bilesińder.
Qazaq halqynyń kemeńger ǵalymy Shoqan Ýálıhanov «Táńir» atty eńbeginde bizderdiń ata - babalarymyzdyń ádetten tys tabıǵat qubylystaryn qasıetti sanaıtyndyǵyn aıta kele: «Aıdalada dara ósken aǵash túneýge jarap jatyr. Janynan ótken árbir jolaýshy olarǵa yrym etip álem mata baılap, janyna ydys - aıaq tastap ketedi, basyna qurbandyq shalady»,- dep jazsa, túrki tildes halyqtardyń ortaq murasy sanalatyn «Qorqyt ata» kitabynda:
«Atyń aǵash desem shamdanba, aǵash!
O, Mekke men Mádıneniń esigi bolǵan - aǵash!
Qudaımen tildeskende Musanyń asasy bolǵan - aǵash!
Erlerdiń eri Álıdiń dúldiline er bolǵan - aǵash!
Zulypqarǵa sap bolǵan - aǵash!
Hasan men Husaıynǵa besik bolǵan - aǵash!
Basyńa qarasam tóbeń kórinbes - aǵash!
Meni saǵan asar bolsa, qulap tús, Aǵash!- dep keletin, tikeleı aǵashqa baǵyttalǵan aıshyqty sóz bar. Bul tolǵamnan biz aǵashtyń adamzat turmys - tirshiligindegi qoldanys ornymen qatar, onyń ata - baba tanym - túsiniginen alar júıesin de óte baıqaı alamyz.

Oqýshylardyń jiger - namysyn oıatýǵa, iskerlikke qulshynys septigin tıgizýge qajet degen maqal - máteldi suraımyn. «Sheberdiń qoly ortaq», «Ónerli órge júzer», Usta aspapsyz usta emes».

Oqýshylarǵa eńbek qaýipsizdigin eskertip, kezeń boıynsha jumys jasaımyz.
İ kezeń
Dápterge muryndyq sýretin salamyz. Aǵashqa ólshemderdi túsirip qajetti oıylatyn bólikterdi ólshep belgileımiz.
İİ kezeń.
Úlgi boıynsha ólshengen bólikterdi aramen kesip, muryndyq formasyna keltirip, pyshaqpen jonamyz.
İİİ kezeń
Daıyn bolǵan buıymdy túrpi qaǵazymen ysyp tazalap, laktaımyz.

Qorytyndy: Aǵashtan ne jasadyq?
Muryndyq ne úshin qoldanylady?
Muryndyqty qandaı aǵashtan jasaıdy?
Buıda degenimiz ne?
Súıekten muryndyq jasaýǵa bola ma?
Baǵalaý: Jaqsy shyqqan oqýshylardyń jumystaryn madaqtaý, baǵalaý.