InfoHub Logo

Beıneleý óneri
Sabaqtyń taqyryby: Músin óneri - beıneleý óneriniń bir túri (Jemistiń músini)
Sabaqtyń maqsaty
kútiletin nátıjege baǵyttalǵan: Oqýshylar músin óneri jaıynda maǵlumat alady. Jemisterdiń músin jasap úırenedi. Oqýshylardyń synı oılaýy, qıaly artady. Ár túrli pishindi zattar men buıymdardy durys beıneleýge úırenedi.
Sabaqtyń túri: Jańa sabaq
Paıdalanatyn ádis - tásilder: Toptyq jumys, «baǵdarsham», «basbarmaq» ádisi
Sabaqta paıdalanatyn kórnekti - quraldar: Interbelsendi taqta, slaıdtar. Músin jaıly oqýlyq kitaptar, ılústrasıalar.

I. Uıymdastyrý kezeńi: Psıhologıalyq ahýal
Psıhologıalyq daıyndyq
Biz baldyrǵan balamyz,
Qustaı qanat qaǵamyz.
Dúnıeni aralap,
Oqyp bilim alamyz.

İİ. Úı tapsyrmasyn tekserý
Qyzyǵýshylyqty oıatý Beıneleý óneriniń ózderine tanys janrlary týraly biletinin aıtqyzý.
Sýrettermen jumys júrgizý. Elektrondy oqýlyqtan beıneleý óneri janrlary týraly tyńdatý.

Maǵynany taný
Músin – beıneleý óneriniń erekshe túri. Músindi úsh jaǵynan keńistikte kórýge bolady. Músin jasaý ereksheligine baılanysty birneshe túrge bólinedi: keýdelik músin, tulǵalyq músin (statýıa) jáne jartylaı kólemdi músin (barelef - relef). «Músin» ataýy latynnyń «qashaý» degen sózinen shyqqan. Adamnyń keýdeden joǵary tulǵalyq kelbeti beınelengen músin búst nemese keýdelik músin dep atalady. Adamnyń tutas boıymen beınelengen músin tulǵalyq músin (statýıa) dep atalady. Jartylaı kólemde beınelengen músin barelef jáne relef dep atalady. Músinshi dep qarapaıym sazbalshyqtan bastap mármár tasqa deıin meńgergen, ár túrli músinderdi sazbalshyqtan ılep, aǵashtan shaýyp, tastan qashap jasaıtyn adamdy aıtamyz.

Sergitý sáti
Dene qımyldaryn mýzyka yrǵaǵymen jasaý.
Oı tolǵanys
Músin sabaǵyna balalardy qyzyqtyra otyryp, olardyń oılaý jáne elestetý belsendiligin arttyrýǵa kóńil bólemin. Ermeksazben jumys isteıdi. Eń aldymen saz balshyqty ılep, jumyr etip alady, sonan keıin sopaqshalap sozý arqyly
almurttyń pishinin jasaıdy.

Úıge tapsyrma
Basqada jemisterdi músindep kelý.
Baǵalaý
Oqytý úshin baǵalaý jáne oqýdy baǵalaý

Keri baılanys
Oqýshylardyń búgingi sabaqty qanshalyqty túsingenderin, sabaqtan alǵan áserlerin jabystyrǵan stıkerler arqyly bilemin.

Smaılhanova Ǵ. I.

Músin óneri - beıneleý óneriniń bir túri (Jemistiń músini). júkteý