InfoHub Logo

Atyraý oblysynda oryn alǵan qaıǵyly oqıǵaǵa baılanysty Násip Óteshqalıevanyń sońǵy aýdıo jazbasy WhatsApp-ta tarady. Bul jazba qoǵamda úlken rezonans týdyrdy.

Bul týraly Infohub.kz aqparat agenttigi habarlaıdy.

Janat Moldashova ne aıtty?

Belgili jýrnalıs Janat Moldashova áleýmettik jelidegi paraqshasynda Atyraý oblysynda bolǵan tragedıaǵa qatysty jańa vıdeo jarıalady. Jýrnalıs jazbasynda qara jamylǵan otbasynyń aýyr qasiretten áli es jıa almaı otyrǵanyn, al Jangeldın aýylynyń turǵyndaryn úreı bılegenin atap ótti.

"Qaraly otbasy myna jaýyzdyqtan esterin jıa almaı jatyr. Jangeldın halqy úreıde otyr. Aǵaıyn-týys qaskóı qylmyskerdi tezirek quryqtaýdy talap etedi. "Marqumdar saraıdan qalaı tabyldy? Oǵan deıin tintý júrgizildi ǵoı" degen suraqpen myńdaǵan adam mazalady. Oqıǵa bastalǵaly basy-qasynda júrgen, marqum Maqsot aǵamyzdyń inisi Shalqar biraz saýaldaryma jaýap berdi. Óte aýyr jaǵdaı. Biraq qoǵamnyń tragedıasy bolǵandyqtan aıtylýy, jazylýy kerek. Qazaly otbasynyń týystaryna qandaı jubatý sóz aıtaryńdy da bilmeısiń?!" – dep jazdy Janat Moldashova.

Shalqar Muqanǵalıevtiń pikiri

Janat Moldashova marqum Maqsot Qarabalınniń inisi Shalqar Muqanǵalıevpen suhbattasqan vıdeony jarıalady. Shalqar Muqanǵalıevtiń aıtýynsha, Násip jeńgemizdiń aǵaıyn-týystarynyń chattaryna jibergen aýdıosy bar. Sol aýdıo habarlamalarynyń birin 7 qarasha kúni jibergen. "Qazirgi tańda telefonnyń bári Sultanda boldy dep tur ǵoı. Sol Sultan jiberip turǵan shyǵar dep oılap turmyz", – dedi ol.