Nazarbaevqa tıesili Mercedes avtokóligi áli de satylymda tur
Qazaqstanda satylymǵa qoıylǵan erekshe kólik — 1993 jylǵy Mercedes-Benz 600 SEL GUARD B7 — biraz ýaqyttan beri nazardan túsken emes. El arasynda bul avtokólik tuńǵysh prezıdent Nursultan Nazarbaevqa tıesili degen aqparat taraǵan. Degenmen, muny naqtylaıtyn resmı qujat áli usynylmady.
Kolesa.kz saıtynda birneshe jyl qatarynan jarıa turǵan kóliktiń baǵasy turaqsyz: 222 mln teńge shamasynda turǵanymen, keı kezderi 200 mln teńgege deıin túskeni baıqalǵan. Salystyrý úshin aıtsaq, dál osyndaı modeldegi basqa mashınalardan bul baǵa shamamen 6 674% qymbat.
Kólik Sonderschutz B7 deńgeıinde qorǵalǵan, ıaǵnı ol – oq ótpeıtin, jarylysqa tózimdi arnaıy úlgi. Sondyqtan da kólik tek sırek kezdesetin koleksıalyq zat qana emes, naqty bir tarıhı kezeńniń belgisindeı qabyldanady.
Alaıda, baǵanyń tym joǵary bolýy bul "ańyzǵa aınalǵan" Mercedes-tiń jańa ıesin tabýyna kedergi keltirip turǵandaı.
You Might Also Like
-
Eýropada aspanda jumbaq spırál tárizdi qubylys baıqaldy,-dep Infohub.kz habarlaıdy.
-
Ulytaý oblysy Jezqazǵan qalalyq sotynda oblystyq bilim basqarmasynyń burynǵy basshylyǵy men býhgalterine qatysty qylmystyq is qarala bastady. Alaıda sot prosesi bastalmaı jatyp, qorǵaýshy taraptyń ta...
