InfoHub Logo

Ulytaý oblysy Jezqazǵan qalalyq sotynda oblystyq bilim basqarmasynyń burynǵy basshylyǵy men býhgalterine qatysty qylmystyq is qarala bastady. Alaıda sot prosesi bastalmaı jatyp, qorǵaýshy taraptyń talaptaryna baılanysty úzilis jarıalandy.

Aıyptalýshylar kimder?

İs boıynsha sotqa tartylǵandar:

• Sapýra Seıdýalına Tólekova – Ulytaý oblysy Bilim basqarmasynyń basshysy
• Jansaıa Qobylandyqyzy Beısembaeva – basqarmanyń býhgalteri
• Gúlnara Eginbaıqyzy Ospanova – basqarma basshysynyń burynǵy orynbasary (marqum)

Olarǵa Qylmystyq kodekstiń 189-baby 4-bóliginiń 2-tarmaǵy (senip tapsyrylǵan múlikti ıemdený nemese talan-tarajǵa salý) boıynsha aıyp taǵylǵan.

Qorǵaýshy: «Marqumnyń isi sotta qaralýy múmkin emes»

Sot otyrysynda marqum Gúlnara Ospanovanyń qorǵaýshysy M.M. Tólegenov sottyń sheshimin synǵa aldy.

"Ómirde joq, dúnıeden ótken adamnyń isin sotta qaraý ne degen sumdyq? Kúdikti qaıtys bolǵannan keıin oǵan qatysty is dereý toqtatylýy tıis edi. Sonda endi sot onyń arýaǵyn shaqyra ma?" – dedi advokat.

Sot prosesi qorǵaýshylardyń qosymsha talaptaryn qarastyrý úshin keıinge shegerildi.