Photo: Ayazhan (https://www.pexels.com/@ayazhan-3173683) / Pexels
"Nıkab kıgender máselesi": Betin jabatyndarǵa jaza qoldanyla bastady
Qoǵamdyq oryndarda bet-júzin jabatyn kıimderge qatysty jańa erejeler kúshine endi. İshki ister mınıstrliginiń óńirlik basqarmalary nıkab, balaklava sıaqty kıimderge baqylaýdy kúsheıtip, olardy medısınalyq sebeptersiz qoldanýdy zań buzýshylyq dep tanydy.
Bul ózgerister ótken jylǵy shildede qabyldanǵan zańnamaǵa sáıkes júzege asyrylýda. Jańa júıeniń basty maqsaty – ulttyq qaýipsizdikti qamtamasyz etý jáne árbir azamatty anyq tirkeý.
Atalǵan kıimderdi qylmyskerler jıi paıdalanady. Olar urlyq, tonaý, alaıaqtyq sıaqty zańsyz áreketterdi jasaý úshin bet-júzin jasyrýǵa tyrysady. Jańa erejeler bul áreketterdiń aldyn alýǵa baǵyttalǵan.
Dinı jáne ulttyq kıimderge shekteý joq
Alaıda, bul sharalar dinı nemese ulttyq kıimderge eshqandaı shekteý qoımaıdy. Basty talap – bet-júzdi jasyrmaý. Tek medısınalyq sebepter, sýyqtan qorǵaný, qyzmettik mindetterdi atqarý, sondaı-aq sporttyq nemese mádenı is-sharalar kezinde betti jabýǵa ruqsat etiledi.
Jazalaý sharalary
Zań buzýshylyqtyń birinshi ret oryn alýynda tulǵaǵa eskertý beriledi. Eger bir jyl ishinde bul áreket qaıtalansa, onda 10 AEK (shamamen 43 000 teńge) kóleminde aıyppul salynady.
-
İshki ister mınıstri Erjan Sádenov Almatydaǵy rezonansty jol apatynan keıin birqatar málimdeme jasap, kinálilerdiń jazalanatynyn aıtty.
-
Ózbekstan Aral teńiziniń qurǵaq túbin jasyldandyrýda ınovasıalyq ádister men júıeli tásilderdi qoldanyp, Qazaqstannan alǵa shyqty. Bul týraly jańa maqalada egjeı-tegjeıli baıandalady.
