InfoHub Logo

Memleket basshysynyń Jarlyǵymen Nurlan Baıbazarov Prezıdenttiń ekonomıkalyq máseleler jónindegi kómekshisi bolyp taǵaıyndaldy. Ol burynǵy qyzmetinen bosatyldy.

Bul týraly Infohub.kz aqparat agenttigi habarlaıdy.

Baıbazarovtyń burynǵy qyzmetteri

2025 jyldyń qazan aıynda Baıbazarov Qazaqstan Prezıdenti Ákimshiliginiń ınvestısıalar jáne saýda bóliminiń meńgerýshisi qyzmetine taǵaıyndalǵan bolatyn.

2024 jyldyń aqpanynan bastap ol Premer-mınıstrdiń orynbasary – Ulttyq ekonomıka mınıstri qyzmetin atqardy. Bul laýazymnan 2025 jyldyń jeltoqsanynda ketti.

Onyń mindetterine makroekonomıkalyq, búdjettik, salyqtyq jáne kedendik saıasat, memlekettik josparlaý júıesi, qarjy sektory, tarıf saıasaty máselelerin úılestirý kirdi. Sondaı-aq, shaǵyn jáne orta kásipkerlikti damytý, memlekettik-jekemenshik áriptestik, konsesıalar máselelerimen aınalysty.

Baıbazarov ınvestısıalyq saıasat, tabıǵı monopolıalardy retteý, básekelestikti damytý jáne tutynýshylar quqyǵyn qorǵaý, statısıka, jobalyq basqarýdy damytý, halyqaralyq qarjy ınstıtýttarymen ózara is-qımyl jáne Ulttyq bankpen jumys máselelerine de jaýapty boldy.

Budan bólek, «Amanat» partıasynyń saılaýaldy baǵdarlamasynyń jol kartasyn iske asyrý, bıznestiń problemalyq máselelerin qaraý jáne sheshý, onyń ishinde ákimshilik kedergilerdi azaıtý, ekonomıkany demonopolızasıalaý, orta merzimdi ekonomıkalyq saıasat jáne kvazımemlekettik sektor sýbektileriniń qyzmetin reformalaý máselelerine de Baıbazarov basshylyq etti.

Sondaı-aq, zańsyz shetelge shyǵarylǵan qarjylyq qarajat pen satyp alynǵan aktıvterdi qaıtarý jáne «Damý» kásipkerlikti damytý qorynyń qyzmeti máselelerimen aınalysty.

Nurlan Baıbazarov týraly ne belgili?

Nurlan Baıbazarov 1975 jyly 10 qazanda dúnıege kelgen. Qazaq memlekettik basqarý akademıasyn bitirgen.

Eńbek jolyn 1997 jyly bastap, Qarjy mınıstrliginiń búdjet departamentinde jáne memlekettik qaryz departamentinde qyzmet atqardy.

2004-2011 jyldary «Qazaqstannyń Damý Banki» AQ-da jobalar boıynsha agenttik qyzmet kórsetý basqarmasynyń bastyǵy, ınvestısıalyq jobalar boıynsha basqarýshy dırektor, korporatıvtik damý departamentiniń dırektory, korporatıvtik hatshy qyzmetterin atqardy.

2013-2016 jyldary Ulttyq ekonomıka mınıstrliginiń ekonomıka salalaryn damytý departamentin basqardy.

Budan bólek, ár jyldary «NK «Qazaqstan temir joly», «QazMunaıGaz Konsaltıń» jáne «NK «QazMunaıGaz» aksıonerlik qoǵamdarynda jumys istedi.

2016 jyldan 2022 jyldyń qarashasyna deıin «Ónerkásipti Damytý Qory» AQ dırektorlar keńesiniń múshesi jáne basqarma tóraǵasy boldy.

2022 jyldyń qarashasynan 2023 jyldyń qazanyna deıin – «Qazaqstannyń Damý Banki» AQ basqarma tóraǵasy.

«Báıterek» holdıńiniń basshysy da bolǵan.

Eske salaıyq: búgin Prezıdent sondaı-aq AP-daǵy Erbolat Dosaevty qyzmetinen bosatty.