InfoHub Logo

Ashyq sabaq
Saýat ashý
Sabaqtyń taqyryby: O dybysy jáne árpi
Sabaqtyń maqsaty: 1. Balalardy O árpimen tanystyrý.
a) Bilimdilik: Quramynda O dybysy bar sózderdi taldaý. O dybysyn durys dybystatyp, onyń tańbasyn, árpin tanytý. O dybysy bar sóz, sóılem oılatý.
á) Damytýshylyq: Balalardyń oılaý qabiletin damytý.
b) Tárbıelik maqsaty: Eńbekke, adamgershilikke tárbıeleý.
Kórnekilik: mazmundy sýret, qıma áripter, syzba - keste
Sabaqtyń túri: saıahat sabaq
Sabaqtyń ádisi: suraq - jaýap, jumbaq.

Sabaqtyń barysy:
I. Uıymdastyrýshylyq kezeńi
Balalardyń nazaryn sabaqqa aýdarý (Ótken sabaqty pysyqtaý).
- Balalar, barlyǵymyz bir - birimizge jaqsy tilekter aıtaıyq:
- Aspanymyz ashyq bolsyn,
- Elimiz aman bolsyn,
- Denimiz saý bolsyn,
- Aqshamyz kóp bolsyn!

II. Ótken sabaqty pysyqtaý
Ótken sabaqta ótken dybystardy qaıtalaý
A) A dybysy – daýysty
B) T dybysy – daýyssyz
G) Daýysty dybystar qandaı belgimen belgilenedi.
D) Daýyssyz dybystar qalaı aıtylady.
E) A dybysynan bastalatyn sózder aıtqyzý.
J) T dybysynan bastalatyn sózder oılap tabý.

III. Sergitý sáti
Ormandaǵy aıýdyń,
Qulpynaıy kóp eken.
Terip - terip alaıyq,
Qaltamyzǵa salaıyq.

IV. Jańa sabaq
Balalar, búgin biz «Áripter baǵyna» saıahatqa shyǵalyq.
«Áripter baǵyna» biz «Bilim» kóligimen shyǵaıyq.

I. Jolda bizge qasqyr kezdesti.
Ol bizge myna suraqtarǵa jaýap bermesek, jibermeıtinin aıtty.
- Suraqtarǵa jaýap bere alasyń ba?
1. Bizdiń elimiz qalaı atalady?
Qazaqstan
2. Bizdiń rámizderimiz?
Tý, eltańba, ánuran.
3. Týymyzdyń túsi qandaı?
4. Eltańbada ne beınelengen?
5. Bizdiń prezıdentimizdiń aty kim?
6. Sanamaqtar aıtqyzý.

II. Qasqyrdan qutylyp, endi jaqyndaǵanda túlki kezdesti.
Ol jańa sabaqta ótetin áripti taný úshin bizge birneshe sýretter kórsetti.
Osy sózderde birinshi qandaı dybys aıtylyp tur?
O dybysy qalaı aıtylyp tur? Daýysty
Osy dybystan bastalatyn sózder oılap tabý.
Býynǵa bólip aıtqyzý.
Osy sózderden sóılem quraý.
Otan degen sózge sóılem quraý.
Otan týraly taqpaq aıtqyzý.
Otan degen – atameken,
Otan degen – týǵan jer.
Otan ana
Otan – úlken
Qazaqstan týǵan el
- Sonymen áripter baǵymen qosh aıtysyp, saıahattan aman - esen óz mekenimizge oraldyq.

V. Bekitý: Álippe - dáptermen jumys.
VI. Qorytyndylaý:
Balalar sabaqqa jaqsy qatysqandaryń úshin Aldar kóse atamyz senderge mynadaı syılyqtar berip jiberdi.
Balalarǵa oıý men bes juldyz berý.

«Jezkent kentiniń mektep - lıseıi» KMM
Mektep aldy daıarlyq synybynyń jetekshisi: Berkımbaeva A. Z
O dybysy jáne árpi. júkteý