InfoHub Logo

Ádebıettik oqý 4 synyp
Sabaqtyń taqyryby: Aıbatyr Seıtaq «Qazaqstan taýlary»
Sabaqtyń maqsaty: El, jer taý – tasyn bilý arqyly ásemdikti túsindirý.
Bilimdiligi: İzdený, taldaý, bilim kókjıegin keńeıtýge múmkindik jasaý otyryp, mánerlep oqýǵa, jazýǵa daǵdylandyrý.
Damytýshylyq: Oılaý qabiletterin damytý, sóıleý tilderin jetildirý, sózdik qorlaryn molaıtý.
Tárbıeligi: Otan súıgishtikke, patrıottyq sezimge tárbıeleý, estetıkalyq, ekologıalyq kózqarasyn qalyptastyrý.
Sabaq túri: jańa sabaq
Ádis – tásili: toptyq, túsindirý, suraq – jaýap
Kórnekiligi: Qazaqstan Respýblıkasynyń fızıkalyq kartasy, ınteraktıvti taqta, taý týraly ánderden úzindi
Pánaralyq baılanys: dúnıetaný, mýzyka

Sabaqtyń barysy:
İ. Uıymdastyrý kezeńi
Psıhologıalyq daıyndyq
Tyńdańyzdar qyzdar!
Tyńdańyzdar uldar!
Qolymyzdy sozaıyq,
Alaqandy ashaıyq
Qanekeı kim «5» alýdan qashpaımyz
Endeshe úı tapsyrmasyna jaýap berýdi bastaımyz.

Oqýshylardy taý bıiktigine qaraı baǵalaý ádisimen tanystyrý. Beket, Beles, Asý, Shyń.

İİ. Úı tapsyrmasyn suraý.
Sábıt Muqanov «Esil» shyǵarmasyn mazmundaý. 4 toptan tórt oqýshy shyǵyp mazmundaıdy.
İ top - Shildede Esil ólkesiniń jeli baıaý esedi........
İİ top - Jelge, kúnge kórinbeı, jasyl shalǵynnyń........
İİİ top – Toǵaı da bul kezde kemeline kelip, tolyqsyp turady.....
İÚ top – Bul kezde Esil sabasyna sarqylyp, aǵar arnasymen mop – momaqan bolyp jyljıdy da jatady......
«Sáıkestendirý» Esil ózeniniń ósimdikteri men qustaryn sıpatyna qaraı sáıkestendirý.

Úı tapsyrmasyn qorytý suraqtary.
1. S. Muqanov kim, qaı jerde dúnıege kelgen?
- Soltústik Qazaqstan oblysy Jambyl aýdany qazirgi S. Muqanov aýylynda dúnıege kelgen.
2. Esil taqyrybynda jyldyń qaı mezgili sýrettelgen?
- Jaz mezgili
3. Jazýshy Esil ózeniniń kórkemdigin qalaı sýrettegen?
4. S. Muqanovtyń qandaı shyǵarmalary bar?
- «Sulýshash», «Adasqandar», «Ómir mektebi», «Aqqan juldyz».

İİİ. Jańa sabaq
Oı qozǵaý
Nurǵalı Núsipjanovtyń «Alataý» óleńin tyńdatyp oqýshylardan án ne jaıynda ekenin suraý. Oqýshylardyń jaýaptary tyńdalady.
- Oqýshylar
He syılasyn, nesin bersin el maǵan?!
Tursaq eken elim de aman, men de aman.
Taýlar - meniń taýsylmaıtyn baqytym,
Al yrysym - ulanǵaıyr keń dalam, - dep aqıyq aqynymyz Muqaǵalı Maqataevtyń óleń joldarymen bastaǵaly otyrmyn. Sebebi búgingi sabaǵymyzdyń taqyryby da bizdiń elimiz – jerimizge kórik berip turǵan taýlar jaıynda bolmaq. Aıbatyr Seıtaq «Qazaqstan taýlary». (oqýshylar dápterlerine sabaq taqyrybyn jazady)

Avtor týraly málimet berý. (ınteraktıvti taqtadan kórsetiledi)
Aıbatyr Samıǵollauly Seıtaq 1966 jyly 28 aqpanda Batys Qazaqstan oblysy, Bókeı ordasy aýdany, Orda aýylynda dúnıege keldi. 1989 – 1997 jyldary Oral jáne Qostanaı oblystyq teleradıokompanıalarynda teledıdar redaktory bolyp jumys istegen. «Saryarqa» jýrnaly bas redaktorynyń orynbasary, «Jas Alash» gazetiniń Astana qalasyndaǵy menshikti tilshisi, «QazAqparat» agenttiginiń tilshisi qyzmetterin atqarǵan.

Ótkizgen: Esmuhanova T. D
Aıbatyr Seıtaq «Qazaqstan taýlary». júkteý