InfoHub Logo

Mektepaldy daıarlyq tobynyń ashyq sabaǵy
Uıymdastyrylǵan oqý is - áreket túri: Saýat ashý jáne jazý
Sabaqtyń taqyryby: O dybysy men árpi
Sabaqtyń maqsaty: «O» dybysy jáne árpimen tanystyrý.
Sabaqtyń mindetteri:
Bilimdilik: O dybysy bar sózderdi taldaý. O dybysyn durys dybystatyp, onyń tańbasyn, árpin tanytý;
Damytýshylyq: sóz, sóılemdi oqytý arqyly oqýshylardyń til baılyǵyn molaıtý, býyndardan sóz quraý, sózdi býynǵa bólý arqyly logıkalyq oılaý qabiletterin damytý;
Tárbıelik: úlkendi syılaýǵa, qurmetteýge, ulttyq ónerimizdi dápterge baýlý, tabıǵattaǵy tirshilik ıelerine qamqorlyq jasaı bilýge tárbıeleý.
Ádis - tásilder: túsindirý, kórsetý, nusqaý berý, oıyn, suraq - jaýap.
Sabaqtyń túri: ashyq sabaq
Sabaqtyń kórnekilikteri: Sýretter, slaıd, oıynshyqtar.

Sabaqtyń barysy:
1. Uıymdastyrý kezeńi: amandasý, oqýshylardyń nazaryn sabaqqa aýdarý.
2. Psıhologıalyq daıyndyq
Jaqsy oqyp sabaqty,
Ádep saqtaý sánimiz.
Sálem berdik sizderge,
Basymyzdy ıip bárimiz.
Balalar, búgingi saýat ashý sabaǵymyz ózgeshe bolmaq, óıtkeni bizge qonaqqa apaılar kelipti. Ózimizdiń tártipti, tárbıeli, aqyldy, bilimdi balalar ekenimizdi kórsetip, sabaqqa qatysyp otyramyz.
- Balalar, saýat ashý sabaǵynan ne úırenip jatyrmyz? (jazý, oqý, árip, daýysty, daýyssyz dybys)
- Dybys degenimiz ne? (aıtamyz, estımiz)
- Dybysty nemen tańbalaımyz? (árippen)
- Árip degenimiz ne? (jazamyz, kóremiz, oqımyz)
- Dybystar neshege bólinedi? (ekige)
- Qandaı? (daýysty, daýyssyz)
- Daýysty dybystardy qandaı tekshemen belgileımiz? (qyzyl)
- Daýyssyz dybystardy she? (kók)
- Jaqsy, endeshe ótken dybystardy eske túsirip jibereıik, ol úshin túlkimen birge alma aǵashynan alma jınap kóreıik. Daýysty, daýyssyzdardy taýyp, tıisti kárzeńkege salamyz.

3. Jańa taqyryp.
- Balalar, endi ertegi eline saıahat jasap kóreıik. ( Endeshe, ekranǵa nazar aýdaraıyq.)
- Qandaı ertegini kórip turmyz? («Baýyrsaq» ertegisi)
- Qysqasha aıtyp beremin.
- Keıipkerlerin ataıdy.
- Bular neler? (jabaıy ańdar)
- Olar qaıda ómir súredi? (ormanda)
-«Orman» degen sóz qandaı dybystan bastalyp tur? (O dybysynan)
- Endeshe, búgin biz O dybysymen tanysamyz.
- Qane, bárimiz aıtyp kóreıikshi? (O - O - O) Endi aldymyzda turǵan aınaǵa qarap, erinimizdiń, tilimizdiń qandaı qyzmet jasap turǵanynyn aıtaıyqshy?
- Qalaı aıtylyp tur? (sozylyp, kedergige ushyramaı erkin aıtylyp tur)
- Demek, qandaı dybys? (daýysty dybys)

Orman sózin býynǵa bólip, o dybysynyń qaı býynda turǵanyn, neshe dybys, neshe árip bar ekenin suraý
- Endi, ertegige oralaıyq. Baýyrsaq qıyn jaǵdaıǵa tap bolypty, qane, balalar kómektesemiz be? (balalardyń jaýaptary)
- Ańdardyń tapsyrmalary bar eken, egerde sol tapsyrmalardy durys oryndasaq, onda baýyrsaqty jiberem,- deıdi.

1. Qoıannyń tapsyrmasy:
«Ornyn tap» oıynyn oınaý. (Sýretpen jumys)
Torǵaı, oıý, ojaý
Dybystyq taldaý jasaý (3 - 4 baladan, óz tekshelerimen jazǵyzý)

2. Qasqyrdyń tapsyrmasy:
Dáptermen jumys
- Al, endi o dybysynyń árip tańbasymen tanysamyz. Baspa jáne jazba túrimen tanystyrý
Aýada jazý (joǵarydan solǵa qaraı ımektep tómen túsiremiz, sosyn aınaldyryp joǵaryǵa aparyp, qaıta qosamyz 3ret)
Sanaý arqyly 3ret kórsetemin
Qandaı zatqa uqsaıtynyn suraımyn.

Qalamdy qolǵa alamyz,
Dápterdi qıǵash qoıamyz.
Denemizdi tik ustap,
Ádemi etip jazamyz.
- Endi, dápterimizdegi núktelengen kishi jáne úlken áripti bastyryp shyǵamyz. (taqtaǵa ózim bastyryp kórsetemin)

3. Aıýdyń tapsyrmasy:
Sergitý jattyǵýyn jasaý

4. Túlkiniń tapsyrmasy:
«Dúken» oıynyn oınap jibereıik. Sharty: ózine unaǵan oıynshyǵyn satyp alady da, atyn atap, qandaı dybystan bastalyp turǵanyn, býynǵa bólip, neshe dybys, neshe árip bar ekenin aıtady.

5. - Balalar, ózderińniń bilimderińmen baýyrsaqty aman alyp qaldyńdar. Endi, baýyrsaqpen birge myna ekrandaǵy jazylǵan býyndardy, sózderdi oqyp jibereıikshi?
O - ı oı oı t - oı toı toı
O - r or or t - or tor tor
O - l ol ol t - ol tol tol
Oı - na oına Aı - na Aına
Oı - la oıla Aı - sha Aısha
Jaraısyńdar, balalar! Baýyrsaqty aman alyp qalǵandaryń úshin ata men áje senderge alǵystaryn bildirip jatyr.

6. Qorytyndylaý.
Sabaqqa jaqsy qatysyp otyrǵan balalardy madaqtap, baýyrsaqtyń sýretin beremin.
Blagodar orta mektebi
Ótkizgen: Aıtjanova A. J.
Teksergen: Isabekova A. Sh.
O dybysy men árpi júkteý