InfoHub Logo

Qostanaı oblysynda ana dárigerlerdiń salǵyrttyǵynan qyzynyń ómiri kúrt ózgergenin aıtyp, ádildik izdep júr. Onyń sózinshe, 11 jastaǵy qyzyna qajetti tekseris júrgizilmeı, kúshti antıbıotık salynǵannan keıin bala aýyr hálge túsken.

Bul týraly Infohub.kz aqparat agenttigi habarlaıdy.

Dárigerlerdiń qateliginen qyzdyń ómiri kúrt ózgerdi

Anasynyń aıtýynsha, oqıǵa úsh jyl buryn bolǵan. Qyzynyń betine bórtpe shyqqan soń olar Dıevka aýylyndaǵy emhanaǵa júgingen. Dárigerler taldaý nátıjelerin kútpesten “seftrıakson” antıbıotıgin eki kún qatarynan ekken. Osydan keıin qyz esinen tanyp, jansaqtaý bólimine túsip, birneshe kún komada jatqan.

Qazirgi jaǵdaıy aýyr

Qazirgi tańda qyzdyń jaǵdaıy aýyr. Buryn belsendi, sabaǵyn jaqsy oqyǵan oqýshy qazir sóıleı almaıdy, ózdiginen júrip-turýy qıyn. Anasynyń sózinshe, bala tepe-teńdigin saqtaı almaıdy jáne kúndelikti qajettilikterin óz betinshe oryndaı almaı qalǵan.

Aýrýhana basshylyǵynyń jaýaby

Al Áýlıekól aýdandyq aýrýhanasynyń bas dárigeri Temirhan Begisbaev bul jaǵdaıǵa qatysty tekseris júrgizilgenin málimdedi. Onyń aıtýynsha, medısınalyq baqylaý nátıjesinde dárigerler tarapynan qatelik anyqtalmaǵan. Mamandar balanyń jaǵdaıy antıbıotkten emes, aýrýdyń asqynýynan boldy degen qorytyndyǵa kelgen.

Qylmystyq is toqtatylǵan

Atalǵan is boıynsha qylmystyq is toqtatylǵan. Alaıda Aıgúl Dildabaı bul sheshimmen kelispeı, Bas prokýratýraǵa shaǵym túsirgen. Ol qyzynyń qazirgi jaǵdaıyna kináliler jaýap berýi tıis dep esepteıdi.