InfoHub Logo

Qazaqstandyq erkin kúres sheberi Rızabek Aıtmuhan AQSH-tyń Fıladelfıa qalasynda ótetin RAF 08 týrnırinde amerıkalyq Kaıl Snaıdermen tıtýldyq jekpe-jek aldynda «kóz mólsherin» jasady.

Bul týraly Infohub.kz aqparat agenttigi habarlaıdy.

Aıqas aldyndaǵy shıelenis

30 jastaǵy Kaıl Snaıder 97 kelige deıingi salmaqtaǵy chempıondyq beldigin qorǵaıdy. Onyń 21 jastaǵy qarsylasy Rızabek Aıtmuhan.

Bul jekpe-jek týrnırdiń mańyzdy kezdesýleriniń biri bolady. Kezdesý Qazaqstan ýaqytymen 19 sáýir tańynda ótedi.

Kezdesý aldyndaǵy «kóz mólsherinde» qazaqstandyq balýan jeńiske jetetinine jáne beldikti alatynyna senim bildirdi.

Rızabek Aıtmuhan – tarıhı álem chempıony

Esterińizge sala keteıik, Rızabek Aıtmuhan 2023 jyly erkin kúresten álem chempıony ataǵyn jeńip alǵan Qazaqstannyń tuńǵysh ókili boldy. Sol kezde 18 jastaǵy balýan 92 keli salmaq dárejesinde óner kórsetken edi.

Keıinnen Rızabek salmaq dárejesin aýystyrdy, sebebi 97 keli – Olımpıadalyq salmaq. Bul salmaqta qazaqstandyq balýan Azıa chempıonatynyń kúmis júldegeri atandy.

Amerıkalyq qarsylas týraly

Amerıkalyq Kaıl Snaıder – toǵyz dúrkin álem chempıonatynyń júldegeri (tórt altyn, eki kúmis jáne eki qola), 2016 jylǵy Rıo-de-Janeıro Olımpıadasynyń chempıony jáne 2020 jylǵy Tokıo Olımpıadasynyń kúmis júldegeri.

Aıta keteıik, 2025 jyldyń aqpanynda Aıtmuhan men Snaıder Almatyda ótken PWL 8 týrnırinde kezdesken bolatyn. Sol kezde Kaıl 8:0 esebimen jeńiske jetken.