InfoHub Logo

Qazaqstan Premer-Mınıstri Oljas Bektenovtiń tóraǵalyǵymen Zańsyz ıemdenilgen aktıvterdi memleketke qaıtarý jónindegi komısıanyń kezekti otyrysy ótti. Jıynda buǵan deıin qabyldanǵan sheshimderdiń oryndalý barysy qaralyp, Qaıtarylǵan aktıvterdi basqarý kompanıasynyń esebi tyńdaldy.

Komısıanyń málimetinshe, jalpy somasy shamamen 610 mlrd teńge bolatyn aktıvter memleket menshigine qaıtarylǵan. Onyń ishinde 506 mlrd teńge — aqshalaı qarajat, al 103 mlrd teńgeden astamy — túrli múlik túrinde bolǵan.

Arnaıy memlekettik qorǵa aýdarylǵan qarajat esebinen 280 áleýmettik nysan — bilim berý, densaýlyq saqtaý, sport jáne áleýmettik qamsyzdandyrý salalarynda júzege asyrylady. Sonymen qatar, komýnaldyq ınfraqurylymdy jańǵyrtý baǵytynda da qomaqty qarajat bólinip otyr.

Otyrysta Komısıa memleketke aktıvterdi erikti túrde qaıtarý boıynsha birneshe kelisimdi maquldady. Bul arqyly qorǵa qosymsha 150 mlrd teńge túsetin bolady. Budan bólek, «Zańsyz ıemdenilgen aktıvterdi memleketke qaıtarý týraly» zańnyń sýbektileri Qazaqstan ekonomıkasyna 10,5 mlrd dollar kóleminde ınvestısıa salý jóninde mindetteme alǵan.

Sonymen qatar, jalpy quny 84 mlrd teńgeden asatyn aktıvterdi memleket kirisine aınaldyrý týraly sotqa talap-aryz joldaý bastamasy da Komısıa tarapynan qoldaý tapty.