InfoHub Logo

Dına Tańsárini ekstradısıalaý áreketi qaıta jandandy — kúıeýi bıliktiń qysymyna kúmán keltirdi
Chernogorıada turyp jatqan Dına Tańsárini Qazaqstanǵa qaıtarý áreketi kúsheıe tústi. Bul týraly onyń jubaıy Asyljan Muhamedjanov málimdedi, dep habarlaıdy Infohub.kz.

Muhamedjanovtyń aıtýynsha, ekstradısıa máselesi belgili kásipkermen janjaldan keıin jandanǵan.

– "Ekstradısıa jasatamyn. Tizerletem" dep jazǵan. Bul jaı sáıkestik emes. Biz Chernogorıada bir jarym jyldan beri turamyz. Sol aryzdan keıin Joǵarǵy sot Dınany ekstradısıalaý máselesimen birden aınalysa bastady. Buǵan deıin ony úsh ret qaıtarýǵa tyrysty, biraq bolmady. Sebebi ol saıası baspana suraǵan, – dedi ol.

Onyń pikirinshe, bul áreketter belgili bir tulǵalardyń yqpalymen júzege asýda.

– Men bireýdiń aqshasyn sanamaımyn. Biraq kisi ólimi isi boıynsha aqtalyp shyǵý ońaı sharýa emes. Onyń artynda qandaı kúsh turǵanyn elestete berińiz, – dedi Muhamedjanov.

Ol Chernogorıa bıligi Dına Tańsárini Qazaqstanǵa qaıtarmaıdy degen úmitte ekenin jetkizdi. Qazirgi ýaqytta Tańsári bul elde saıası bosqyn mártebesimen ómir súrip jatyr.