InfoHub Logo

Oljas Omaruly Súleımenov — aqyn, qoǵam qaıratkeri. Ol 1936 jyly 18 mamyrda Almaty qalasynda dúnıege keldi. 1992 jyldan beri Qazaqstannyń halyq jazýshysy atandy. Halyqaralyq «Nevada-Semeı» qozǵalysynyń tóraǵasy boldy. Tuńǵysh óleńder jınaǵy «Arǵymaqtar» degen atpen 1961 jyly jaryq kórdi. Sol jyly ǵaryshker Iýrıı Gagarınniń ǵaryshqa ushý sátine arnalǵan «Adamǵa tabyn, Jer, endi» poemasy arqyly kópshilikke tanymal boldy. Sondaı-aq «Qysh kitap», «Kaktýs», «Ólmeıtin kumyrsqa» poemalarymen qatar, «Shapaǵatty shaq», «Talma túste taǵy bir qaıtalap», «Ár kún — araıly tań», «Kemer» atty kitaptary men birneshe til sózderiniń etımologıalyk taldaýlaryna arnalǵan «Az ı Ia» kitaby, «Iazyk pısma» atty fılologıalyq zertteý eńbegi jaryq kórgen.

O.Súleımenov qazaq kıno ónerin damytýǵa da úlken úles qosty. Onyń senarıi boıynsha «Babalar jeri», «Kógildir marshrýt», «Qys — qysylshań mezgil», «Muhtar Áýezov týraly sóz», «Sońǵy ótkel», «Úndistan sazy», «Jastyq shaq zastavasy» kınofılmderi túsirildi. Aqynnyń shyǵarmalary shet el tilderine aýdaryldy.

Oqýǵa keńes beremiz:

Oljas Súleımenovtyń óleńderi

Oljas Súleımenovtyń naqyl sózderi

---