InfoHub Logo

Almatydaǵy Balýan Sholaq atyndaǵy Sport jáne mádenıet saıraıynda 28-shi Búkilálemdik qysqy Ýnıversıadaǵa daıyndyq aıasynda «Jeńimpazdarmen suhbat» jobasy uıymdastyryldy.

Ideıanyń basty maqsaty - tanymal qazaqstandyq sportshylardyń, túrli sport túrlerinen Olımpıada medaliniń ıegerleriniń Almatynyń jasóspirimderimen alańsyz jaǵdaıda suhbatyn uıymdastyrý.

Osyǵan qaraı sharaǵa bokstan 2012 jylǵy Olımpıada chempıony Serik Sápıev, 2016 jylǵy júzý sportynan Olımpıada chempıony Dmıtrıı Balandın, taekvondodan 2014 jylǵy álem chempıony Ál-Farabı Davlechın, shahmattan 4 dúrkin álem chempıony, halyqaralyq dárejedegi grosmeıster Jansaıa Ábdimálik pen 2016 jylǵy Olımpıadanyń qola júldegeri Darıǵa Shákimova qatysty.

Álemdik dodalardyń jeńimpazdary ózderiniń jetistikke jetý jolyndaǵy bastan keshkenderi men sportyń basty qundylyǵy men jastardy sportqa baýlýdyń mańyzdylyǵy týraly aıtty.

«Bizge, sportshylarǵa ósip kele jatqan jastarmen kezdesý qýanyshty jaǵdaı. Biz óz tarapymyzdan sizderdi durys jolǵa baǵyttap, eńbekqor, temirdeı tártiptiń adamy bolyp, elimizdiń ıgiligi úshin eńbek etýge baýlımyz»,-dedi Serik Sápıev.

Dmıtrıı Balandın ózi úshin eliniń atynan álemdik arenada óner kórsetý úlken mártebe ekendigin aıtty. Sondaı-aq jeńimpazdar ózderiniń sportqa kelý joldary týraly da áńgimelep berdi.

«Men bolashaqta elimizden áli talaı myqty júzgishter shyǵatynyna, úlken bıikterdi baǵyndyrar daryndar shyǵatynyna jáne olardyń meniń súıikti sportymmen aınalysatyndar sanyn keńeıte túsetinine senemin»,-dedi Dmıtrıı Balandın.

Kezdesýge IýNESKO Qazaqstannyń ulttyq federasıalar klýbynyń múshelerin, Almatydaǵy aýyl jastaryn beıimdeý ortalyǵy, onkologıalyq aýrýlarmen naýqas balalarǵa ortalyǵy men №1 jáne 2 balalar úıleriniń tárbıelenýshilerin qosa alǵanda 100-ge jýyq jasóspirim qatysty. Sharanyń sońynda balalar jeńimpazdarmen sýretke tústi.

---