InfoHub Logo

Omby oblysynyń mektepterinde qazaq tili páni engizildi. 1 qyrkúıekten bastap kez kelgen oqýshy qalaýy boıynsha qazaqsha oqı alady. Bul týraly 24.kz habarlaıdy.

Sonymen qatar balabaqshalarda arnaıy synyptar ashyldy. Omby qalasynyń turǵyny Lázzat Shahýova qoly qalt ete qalsa, quraq kórpe, qalta, jastyq, ulttyq kıimder tigedi. Oıý-órnekterin de ózi oılap tabady. Sheberdiń úıinde qazaqy qundylyqtardyń ıisi ańqyp tur.

«Ombyda toı kóp. Dostarym, týystarym surasa, tapsyrystaryn tigip beremin. Ýaqytym bolǵanda jaı ermek etemin», – deıdi Omby qalasynyń turǵyny  Lázzat Shahýova.

Reseıde turatyn qandastarymyz qundylyqtaryn erekshe qasterleıdi. Ombyda birinshi ulttyq kıimder dúkeni ashyldy. Kásipker taýardy Qazaqstannan tasıdy. Endi osyndaı saýda núktelerin basqa da qalalarda ashýdy josparlap otyr.

«Ótkende bir kelinshek kelip, tusaýkesir toıyna aq jol satyp aldy. Sońǵy jyldary qazaqtar salt-dástúrge kóp kóńil bólip keledi. Barlyq is-sharalardy ulttyq naqyshta ótkizýge tyrysady», – deıdi satýshy Dıana Ybraıymova.

Omby oblysynda 100 myńnan astam qandasymyz meken etedi. Osynda turatyn qazaqtar týý kórsetkishi boıynsha kósh bastap tur.