Onlaın-alaıaqtyqpen kúresý úshin bankterge jańa talaptar engiziledi,-dep habarlaıdy Arysinfo.kz.

Qazaqstanda onlaın-alaıaqtyqpen kúres sharalary kúsheıtiledi. Qarjy naryǵyn retteý jáne damytý agenttigi jańa talaptar daıyndap, bankterdiń qashyqtan qyzmet kórsetý prosesin qatań baqylaýǵa alýdy kózdeýde.

Joba, ásirese, dropperlik sqemalarǵa tartylý qaýpi bar klıentterdi baqylaýdy kúsheıtýge baǵyttalǵan. Sonymen qatar, Qazaqstan rezıdenti bolyp tabylmaıtyn, joǵary táýekeldi klıentterge qatysty sharalar engizilmek.

Bankterge qoıylatyn negizgi talaptar: klıentti eki faktorly sáıkestendirý (pasporttyń fotosy arqyly bıometrıany paıdalaný), "bir qolǵa – bir tólem kartasy" qaǵıdatyn baqylaý, Qazaqstan aýmaǵynda bolýdyń zańdylyǵyn tekserý, karta shyǵarylǵannan keıingi alǵashqy úsh aıdaǵy barlyq kiris jáne shyǵys tranzaksıalaryn muqıat baqylaý.

Bul sharalar alaıaqtyq operasıalardyń aldyn alý jáne qarjylyq qaýipsizdikti kúsheıtý maqsatynda qabyldanýda.