Ońtústik-SHyǵys Azıada joıqyn jer silkinisi boldy,-dep habarlaıdy Infohub.kz.

Ońtústik-SHyǵys Azıa elderiniń turǵyndary áleýmettik jelilerde jer silkinisiniń kadrlaryn belsendi túrde jarıalaýda. Jer silkinisiniń epısentri Mánmada bolǵanymen, onyń dúmpýi Bangladesh, Úndistan, Taıland, Laos jáne Qytaıda da sezildi.

Taıland bıligi aftershoktardyń kútiletinin habarlady. Osyǵan baılanysty:

• Bıik ǵımarattardan adamdar evakýasıalandy,
• Metro jumysy ýaqytsha toqtatyldy,
• Kóptegen kompanıalar qyzmetkerlerin úılerine qaıtardy.

Bangkokta jer silkinisinen keıin úlken kólik keptelisteri paıda boldy. Áleýmettik jelilerde qıraǵan ǵımarattar men búlingen ınfraqurylym týraly kóptegen vıdeolar taraýda.

Qazirgi ýaqytta qutqarý jumystary júrgizilýde. Bılik azamattardy saqtyq sharalaryn saqtaýǵa jáne resmı aqparat kózderine súıenýge shaqyrýda.