Photo: Ayazhan (https://www.pexels.com/@ayazhan-3173683) / Pexels
"Oqý jylyn aıaqtaı almadym": Belgili mektep dırektory aýrýhanaǵa tústi
Áleýmettik jelide belsendilik tanytyp, kópshiliktiń yqylasyna bólengen mektep dırektory Aqmonshaq Nurtaza densaýlyǵyna baılanysty aýrýhanaǵa túsip qaldy. Ol bul týraly óziniń Instagram paraqshasynda jazba qaldyryp, oqý jylynyń aıaqtalýyna az qalǵanda aýyryp qalǵanyn jetkizdi.
Bul týraly Infohub.kz aqparat agenttigi habarlaıdy.
Densaýlyqqa kóńil bólmegen
Aqmonshaq Nurtazanyń aıtýynsha, sońǵy úsh jylda dırektorlyq qyzmetke kiriskennen beri óziniń densaýlyǵyna jetkilikti kóńil bólmegen. Ýaqytty syltaý etip, dárigerge qaralmaı júrgeni saldarynan jaǵdaıy qıyndap ketken.
«Oqý jylynyń sońyna jete almaı, aýyryp qalyppyn. Biraq shúkir, keremet dárigerlerdiń qolyna tústim. Sizderdiń aq tilekterińiz ben duǵalaryńyzdyń arqasynda tezirek saýyǵyp ketemin dep senemin», – dep jazdy ol.
Ustazdarǵa keńes
Ustaz oqyrmandaryn óz densaýlyǵyna beı-jaı qaramaýǵa shaqyrdy. Onyń pikirinshe, adam eń aldymen ózine, sodan keıin otbasy men jaqyndaryna qajet. Aqmonshaq Nurtaza dárigerlerge alǵys aıtyp, narkozben jasalǵan zertteýden keıin jaǵdaıy jaqsarǵanyn habarlady.
«Densaýlyq – bárinen qymbat. Aýyrmańyzdar. Dárigerlerge erekshe respekt. Biz, ustazdar, keıde jumysymyzdy qıyn sanaımyz, biraq dárigerlerdiń eńbegine bas ıemin. Aman bolyńyzdar, aq halatty abzal jandar», – dep jazdy ol.
-
Mańǵystaý oblysy máslıhatynyń depýtaty Erbol Aıtýov Aqtaýdaǵy jeke klınıkada jasalǵan lıposaksıa operasıasynan keıin qaıtys boldy. Otbasy dárigerlerdiń salǵyrttyǵyn aıyptap otyr.
-
A well-known educator and school director, Akmonshak Nurtaza, has been admitted to the hospital, highlighting the importance of prioritizing personal health.
