InfoHub Logo

Birinshi keńes

Men sendermen bilim alýda úlken jetistikterge jetý syrlarymen bóliskim keledi. Sonymen, eger sen birdeńeni jaqsylap meńgerip alǵyń kelse, muny basqa bireýge úıretip, túsindirýge tyrys. Sabaǵyn túsinbeı jatqan bir adamdy tańda (dosyń, qurbyń, synyptasyń, iniń, qaryndasyń/sińliń), al eger ondaı adam joq bolsa – bilimińdi anańmen, ákeńmen, apańmen jáne t.b. bólis. 

 

Ekinshi keńes

«Josparlaý» degendi, bálkim, sen qyzyqty jáne eliktiretin dúnıe dep elestete almaıtyn shyǵarsyń. Biraq bilim alý jolynda dál osy josparlaý seniń senimdi dosyńa aınalmaq. Josparlaý adamǵa birsaryndy, qyzyqsyz jumysqa az ýaqyt jumsaýǵa múmkindik beredi. Kún tártibin josparlap úıren. 

 

Úshinshi keńes

Barlyq isti jasap bitirý múmkin emes degendi sózdi estigen shyǵarsyń? Shynymen, qandaı da bir jumysty bastaǵanda, onyń kólemi jaıly oı tolyqqandy jumys isteýge kedergi keltiredi. Kez kelgen istiń eń negizgi túbirin kóre bil, sonda jetistikke jetesiń. Sabaqty jaqsy oqyp, sáttilikke jetýdiń basty qupıasy óz tabysyńdy baıqap, soǵan masattaný dep oılaımyn. Árıne, seniń ilgeri qadamdaryńdy muǵalimiń baıqasa tipti jaqsy, biraq óziń de baıqap úıren. Keıde kóp daıyndalyp, laıyqty baǵa ala almaı qalǵan kezder bolady. Bul kóńilińe kúıbeń túsirip, sáttilikke degen senimińdi seıiltedi... Biraq bilimdiliktiń basty nátıjesi – baǵa emes ekenin biz jaqsy bilemiz, ómirge qajet bolatyny – bastaǵy bilim men tájirıbe. 

 

Tórtinshi keńes

Bir paraq qaǵazǵa joǵary qaraı kóterilip bara jatqan baspaldaq sal da, kúndelikti óz sáttilikterińdi eske alyp, joǵary qaraı órmelep bara jatqanyńdy belgilep otyr. Eskerte keteıin: joǵary kóterilýge saǵan tózim men eńbek qajet, olar bárin jeńetinin bilesiń. 

 

Besinshi keńes

Jaman ádetter men olardan arylý kerektigi jaıly muǵalimder de, ata-anań da, bári aıtady. Al men saǵan adamnyń kúsh-jigerin qajet etetin paıdaly ádetter jaıly aıtpaqpyn. Biz solardyń kómegimen jalqaýlyǵymyzdy jeńe alamyz, zeriktiretin jumysty isteımiz, bilim alamyz, tabysqa jetemiz, sol sebepti kúsh-jigerimizdi damytaıyq.

Esińde bolsyn! Jigerin basqara alatyn adam ǵana erkin adam! Jaman ádetter men olardan arylý kerektigi jaıly muǵalimder de, ata-anań da, bári aıtady. Al men saǵan adamnyń kúsh-jigerin qajet etetin paıdaly ádetter jaıly aıtpaqpyn. Biz solardyń kómegimen jalqaýlyǵymyzdy jeńe alamyz, zeriktiretin jumysty isteımiz, bilim alamyz, tabysqa jetemiz, sol sebepti kúsh-jigerimizdi damytaıyq. Esińde bolsyn! Jigerin basqara alatyn adam ǵana erkin adam! 

 

Úı jumysyn jasaýdyń qupıasy
Ókinishke oraı, úı jumysyn tapsyrmaıtyn mektep joq. Úı jumysyn oryndaý úshin ýaqytyń men kúshińdi sarp etpeı, oryndy jumsaýdy qalaı úırenýge bolady? Úı jumysyn oryndaýda qaı sabaqtan qınalatynyńdy, al qaı sabaqty jeńil oryndaıtynyńdy biletin shyǵarsyń? Bálkim, keıbir tapsyrmalardy oryndaý úshin eresekterdiń kómegi qajet bolar? Qaı sabaqtan qınalatynyńdy, al qaı sabaqty ońaı túsinetinińdi anyqtap alýǵa tyrys.

Anyqtap alǵan soń, kelesi jospar boıynsha áreket jasa: 
1. BAR JİGERİŃDİ JINAP JAZÝ ÚSTELİNE OTYR. 
2. ÁR TAPSYRMANY QANSHA ÝAQYTTA BİTİRETİNİŃDİ BOLJAP, SOǴAN SAI ÁREKET JASA. 
3. «QIYN» JÁNE «JEŃİL», JAZBASHA JÁNE AÝYZSHA TAPSYRMALARDY KEZEKTESTİRİP OTYR. 
4. QYSQA ÚZİLİS JASA. 
5. ÚI JUMYSYN JASAP BİTİRGEN SOŃ, QAJETTİ ZATTARDYŃ BÁRİN PORTFELGE SAL. 
6. MİNDETTİ TÚRDE DEMAL!

 

---