InfoHub Logo

Tárbıe saǵatynyń taqyryby: Órleı ber órkenıetke, óser elim!
Maqsaty: Oqýshylarǵa Táýelsiz Qazaqstan Respýblıkasynyń ótkeni men bolashaǵy, damý tarıhy týraly maǵlumattar bere otyryp, keleshekke senimmen qaraýǵa, eljandylyqqa, ultyn súıýge, qasterleýge úıretý, adamgershilikke, meıirimdilikke, úlkendi syılaýǵa tárbıeleý, oqýshylardyń dúnıetanymyn keńeıtý, qalyptastyrý.
Kórnekiligi: elimizdiń Rámizderi, plakat.

Barysy.
Muǵalim: Armysyzdar, qymbatty ustazdar men oqýshylar! Búgingi «Órleı ber, órkenıetke, óser elim» atty ashyq tárbıe saǵatymyzǵa qosh keldińizder!
Biz ejelden er degen dańqy shyqqan halyqtyń urpaǵymyz, el birligi jolynda árqashan namysyn bermegen halyqtyń ulanymyz.
Biz altyn kún bederlengen kók baıraǵyn álem bıikterinde jelbiretken beıbitshil eldiń azamattarymyz, keń baıtaq jerinde birligi jarasqan alýan ult - ulystardan turatyn birtutas halyqpyz!

Biz Qazaqstandyqtarmyz jáne muny zor maqtanyshpen aıtamyz. Qazaqstan memleketin qurý, qazaqstandyq bolý - bizge taǵdyr syılaǵan uly baqyt. Biz ony árdaıym zor maqtanysh sezimmen urpaqtan urpaqqa tabystaıtyn bolamyz! Búgin bizdiń synybymyzda uıymdastyrylǵan tárbıe jumysy osyndaı maqsattardy kózdegen bolatyn. Endeshe sóz kezegin oqýshylarǵa bereıik!

1 - júrgizýshi:
Qazaqstan egemendi el, táýelsiz el,
Bolashaqqa nyq basyp, býynǵan bel.
Kókke órlegen baıraqty jelbiretip,
Qýanysh pen shattyqqa qadam basty el!

«Meniń Respýblıkam» óleńi Serik Qaısar «Kóńil tolqyny» áýenimen oqylady.
Rýhynan jaqsylardyń nur saýlaǵan,
Janymdy meıirimi qursaýlaǵan.
Jaısań ólke, jaıdary Qazaqstan,
Shýaq shashqan sáýleli kúnsiń maǵan!
Nuryna shomyldyryp altyn kúnniń,
Respýblıkam erteńge talpyndyrdyń.
Ózinen shabyt alyp aqyn qıal,
Shalyqtap keń dalada shalqyp júrmin.
Egemen elim desem, senim kirip,
Boıymdy bılep keter senimdilik.
Eshkimge aýystyrmas altyn Otan,
Jyrlaımyn qasıetińdi tógildirip.
Jaqsylar janyn qıdy qasiretpen,
Alashtyń erleri bar asyl ótken.
Armanym bolmas edi - aý týǵan elim,
Gúl jaınap, qazaq bolyp tasyp ótsem.
Ór Elim, mańdaıyńnan jaryq kórdim,
Babalar ónegesin alyp keldim.
Eskertkish Elim úshin ornatpasam,
Myna jalǵan ómirge neǵyp keldim?
Jarqyrap janǵan kúndeı azattyǵy,
Kóriner ultymnyń da ǵajaptyǵy.
Respýblıka kúnimen quttyqtaımyn,
Óıtkeni ol - Ult kúni, Qazaq kúni!

2 - júrgizýshi: Iá, ata - babam ańsaǵan azattyq tań,
1 - júrgizýshi: Ata - babamyz armandaǵan táýelsiz kún araılap atyp, kók baıraǵymyz kókte jelbiredi.
2 - júrgizýshi: Táýelsizdik úshin bilektiń kúshimen, naızanyń ushymen elin qorǵaǵan babalar rýhynan qýat alǵan Jeltoqsan oqıǵasynyń orny erekshe.

1 - júrgizýshi: Táýelsizdigimiz úshin janyn pıda, qurban etken azamattarymyzdyń eren eńbegi eshqashan umtylmaq emes.
2 - júrgizýshi: Táýelsizdik - bastaýy bar baqyttyń,
Táýelsizdik - ultyń menen uranyń.
1 - júrgizýshi: Shartarapta shattyǵyndaı azattyń,
Ǵasyr súıip turǵandaıyn ǵajap kún!

2 - júrgizýshi: Kók baıraǵy, eltańbasy birligi,
Shalqı bersin Ánurany qazaqtyń!
Gımn oryndalady.
1 - júrgizýshi: Elimizdiń eldigin, birligi men tirligin oılaǵan ata - babamyz ultaraqtaı jeri úshin, týǵan eli úshin janyn berdi.
2 - júrgizýshi: Halyqtyń tatýlyǵyn, keń baıtaq jeriniń táýelsizdigin, eliniń muraty men keleshegin oılaǵan ata - babam tolarsaqtan saz keship, at ústinde elin qorǵady.
Án: Qalı Darynnyń oryndaýynda «Meniń elim Qazaqstan!»