tengrinews.kz
Ormýz buǵazynyń jabylýynan kútpegen jerden baıyǵan magnat anyqtaldy
Ońtústik Koreıalyq mıllıarder Ga-Hen Chong Taıaý Shyǵystaǵy jaǵdaı shıelenisip, Ormýz buǵazynyń jabylýynan kútpegen jerden paıda tapqan tulǵa retinde tanyldy. Bul týraly sala mamandaryna silteme jasap Bloomberg habarlady.
Buǵazdyń jabylýyna birneshe apta qalǵanda, Sinokor kompanıasynyń basshysy alty munaı tankerin satyp alyp, Parsy shyǵanaǵyna baǵyttaǵan. Aımaqtaǵy eksporttyń toqtaýyna baılanysty munaı qoımalary tolyp, Chongtyń kompanıasy óz kemelerin shıkizatty saqtaý úshin joǵary baǵamen jalǵa bere bastady. Kúnine 500 myń dollarǵa deıin baratyn bul baǵa byltyrǵydan on ese joǵary.
Bloomberg basylymynyń habarlaýynsha, Chongtyń bul áreketi naryqty tań qaldyrǵanymen, qazirgi munaı daǵdarysynan ol eń kóp paıda kóretin tulǵalardyń birine aınalýy múmkin. Aqpan aıynyń sońyna qaraı Sinokor kompanıasy álemdik tanker parkiniń shamamen 150-ge jýyq sýpertankerin baqylaýyna alǵan.
Ormýz buǵazy – Parsy shyǵanaǵy elderinen álemdik naryqqa munaı men suıyltylǵan tabıǵı gaz jetkizýdegi negizgi baǵyt. Ol álemdik munaı, munaı ónimderi jáne SPG jetkiziliminiń shamamen 20 paıyzyn quraıdy.
Buǵan deıin Irannyń jańa bas lıderi Modjtaba Hameneı Ormýz buǵazynyń jabyq qalýy kerektigin málimdegen bolatyn. Tegeran bul arqyly AQSH pen Izraılmen qaqtyǵysta qysym kórsetý quralyn paıdalanýdy kózdep otyr.
-
Gollıvýd juldyzy Djessıka Chesteın óziniń jańa beınebaıanyna qazaqstandyq ánshiniń týyndysyn engizdi. Bul jańalyq áleýmettik jelide qyzý talqyǵa tústi.
-
A South Korean billionaire has unexpectedly benefited from the closure of the Strait of Hormuz, seeing a significant surge in his shipping company's revenue.
