InfoHub Logo

Tanymal vaıner Meıirjan Tórebaev bostandyqqa shyqqannan keıin áleýmettik jelidegi paraqshasynda kópshiliktiń nazaryn aýdarǵan áserli jazbasyn bólisti.

Bul týraly Infohub.kz aqparat agenttigi habarlaıdy.

İshki erkindik pen syrtqy shekteý

Óner ıesi jazbasynda ómirlik tájirıbesi men ishki ózgeristeri týraly oı qozǵap, rýhanı turǵydan úlken sabaq alǵanyn jetkizdi. Ol óziniń syrtqy erkindigin joǵaltqan sátte, kerisinshe, ishki erkindigin tapqanyn aıtty. «Demek, solaı bolýy kerek bolǵan. Ómir beretin sabaqtardan qashyp, baqytty ómir súrý múmkin emes. Jan umtylǵan tájirıbeden ózińdi aıyra almaısyń», – dep jazdy Tórebaev.

Ózińdi tabý jolyndaǵy kúızelis

Tórebaev ózine tynyshtyqtyń qajet bolǵanyn, ýaqyttan tys kúıde qalyp, barlyq rólderden arylyp, ózimen-ózi qalyp, «men kimmin?» degen suraqqa jaýap izdegenin atap ótti. Ol keıde adamnyń jańaryp, jańa qyrynan qalyptasýy úshin belgili bir kúızelisten ótýi qajet ekenin de jasyrmady.

«Jaratqanǵa shúkirshilik etemin»

«Keıde jańa ózińdi quraý úshin, aldymen kúıreý qajet bolady. Osy tájirıbe úshin Jaratqanǵa shúkirshilik etemin. Onyń quny ólsheýsiz. Bul – jannyń jarqyn sapary», – dep qorytyndylady ol.

Jeli qoldanýshylary jazbaǵa túrli pikir qaldyryp, keıbiri qoldaý bildirse, endi biri onyń oılaryna óz kózqarasyn bildirgen.