InfoHub Logo

Otbasynyń shýaǵysyń Aq ájem
Maqsaty: Balabaqshamen ata - analar arasynda tyǵyz qarym - qatynas ornatý. Halqymyzdyń ulttyq meıramy Ulystyń uly kúni - Naýryz merekesin dáripteý, ulaǵatty dástúrdi qurmetteýge, analar eńbegin baǵalaýǵa daǵdylandyrý. Ájeler ónegesiniń ereksheligin ashý.
Balalardy qart adamdardy qurmetteýge tárbıeleý.

Júrgizýshi: Qymbatty qonaqtar, ata - analar, áriptester! Naýryz - jyl basy! Naýryz - ulystyń uly kúni, kúlli musylman qaýymnyń ulttyq meıramy. Aqtyń molaıatyn, jaryqtyń uzaratyn, nurdyń molyǵatyn, tirshiliktiń jańaratyn, ómirdiń jańǵyratyn, peıildiń túzeletin kóńildiń keńeıtetin kezeńi - toıdyń tóresi.
Naýryz - Uly merekemiz qutty bolsyn!
Búgingi osy merekege oraı ótkizgeli otyrǵan ardaqty da asyl ájelerimizdiń ónerin úlgi etýge arnalǵan
«Otbasynyń shýaǵysyń Aq ájem» atty saıysymyzdy bastaýǵa ruqsat etińizder.
Áje degen kóp shyǵar
Ájemdeı meniń joq shyǵar
Meıirimdi ol kisi
Qandaı ǵajap kúlkisi – deı otyryp saıysqa qatysýshy
Ájelerimiz ben nemerelerin ortamyzǵa shaqyramyz!

1. Bizge tilekshi bop júretin, qýanyshymyzǵa ortaq bola biletin, Nuraıdardaı balapanymyzdyń
asyl ájesi, ardaqty áje Aıjamal ájeıdi qarsy alyńyzdar!
2. Ózi sondaı ádemi, kúndeı kúlip júredi, Shehrızattaı nemeresimen Baıan ájeni qoshemetpen
qarsy alaıyq!
3. Nemere qamyn oılaı júretin balajan áje Aqnıettiń kún ájesi, nur ájesi, asyl ájesi
Záýre ájeni ortaǵa shaqyramyz!
4. Qashan kórseń de sharshamaıtyn, bir áýlettiń sypaıy da syrbaz ájesi Habıbadaı nemereniń
ájesi Salıma ájeıdi qurmetpen qarsy alaıyq!
5. Áje bizdiń kúnimiz
Ájemniń biz gúlimiz
Balalardy qýantyp,
Uzaq ómir súrińiz - deı otyryp, Berdibekteı nemeresimen Qalamqas ájeıdi ortaǵa shaqyramyz.
6. Taýsylmaıdy óleńi
Kúnde aıtyp beredi.
Barǵan saıyn bir jaqqa
Kámpıt alyp keledi - dep Muragerdiń ájesi Beısenkúl ájeıdi nemeresimen shaqyramyz!

Júrgizýshi: Al halaıyq, yqylaspen demelelik
Ájelerdiń bul saıysyn kórelik.
Ájesimen nemeresine qarap biz,
Ádildikpen baǵalaryn berelik - dep ádil - qazy alqalarymen tanystyramyz.
--------------------------------------------------------
Endi saıysymyzdyń sharttarymen tanysaıyq.
1. «Men anamyn urpaǵyn áldılegen» (ózin tanystyrý) jáne úı tapsyrmasy.
2. «Kótereıik kóńildi án – jyrmenen» (óner saıysy)
3. «Kóp jasaǵannan surama, kópti kórgennen sura» (suraq - jaýap saıysy)
4. «Qazaqy dastarhan» (as máziri)
5. «Qazaqtyń ulttyq salt - dástúrinen» kórinis.

Qutyqtaý sóz: Mektep dırektorynyń mindetin atqarýshy: -----------------------
Shaǵyn ortalyq ádiskeri: ------------------------------

Júrgizýshi: Eń ardaqty aq ájem
Árbir sózi ósıetti
Baǵa jetpes bal ájem
Aman – esen júrińizshi
Bar tilegim sol ájem – dep saıystyń birinshi kezeńi
boıynsha ájeler ózderin tanystyrady.(ádil - qazylar baǵasyn berý)

2. «Óner tamǵan – on saýsaq» ájelerimizdiń on saýsaqtarynan shyqqan óner buıymdarymen tanysyńyzdar. (úı tapsyrmasy)
Shalqytyp merekede án salaıyq!
Ónerpaz ájelerge tamsanaıyq!
Ónerdiń aspanyna asqaqtasyn,
Kúmis kómeı, ánshi, bıshi ájelerdi qarsy alaıyq - dep saıysymyzdyń ekinshi kezeńi

3.«Kótereıik – kóńildi án jyrmenen»- atty óner saıysyna kezek beremiz.
Ájeler ónerlerin kórsetedi.(ádil – qazy alqasy baǵasyn berýi)
Qaısysy bilgir bilimdi,
Talabyna qaraıyq.
Kimder zerek kim jyldam,
Talanttaryn tabaıyq.

4. «Kóp jasaǵannan surama, kóp kórgennen sura»- dep saıystyń kelesi kezekti suraq – jaýapqa
beremiz. Suraqtar balabaqsha, ulttyq qazyna, kóktem mezgili, naýryz aıy tóńireginde bolady.
Ájelerdiń suraqqa jaýap berýi (ádil - qazy alqasynyń baǵasyn berýi )

Qazaq halqy úshin dastarhannan úlken oryn joq. Olaı bolsa, aq jaýlyqty ájelerimizdiń bal barmaǵynan shyqqan ulttyq taǵamdarymen tanys bolyńyzdar. Saıystyń kelesi kezeńi
5.«Qazaqy dastarhan» as máziri. (ádil - qazy alqasynyń upaı sany)

Qazaǵymnyń salt - dástúri jańǵyrǵan
Tálimdi oı sanaǵa, tárbıe kózi qaldyrǵan.
Salt - dástúrdi ardaqtaıyq aǵaıyn
«Qazaq» atty úlken kishi baldyrǵan.