InfoHub Logo

Ótebaı Turmanjanov 1905 jyly 15 jeltoqsanda Bógen aýdanyndaǵy "Jalǵyzaǵash" aýylynda týǵan. Tashkentte N14 jetim balalar úıinde tárbıelendi. Máskeýde Shyǵys eńbekshileri Komýnıstik ýnıversıtetinde oqyp bilim aldy. Táshkenttegi Orta Azıa ýnıversıtetiniń oqytýshysy, kafedra meńgerýshisi boldy (1927-30 jyldary). 1939 jyly Ózbekstan Jazýshylar Odaǵy janynan qurylǵan qazaq seksıasyn basqardy. 1931 jyly ólkelik partıa komıtetiniń shaqyrýymen Almatyǵa aýysady. QazPI-de profesor mindetin atqarady. Keıin Kazaq memlekettik baspasynda bólim meńgerýshisi, "Qazaq ádebıeti", "Ádebıet maıdany", "Juldyz" gazet-jýrnaldary bas redaktorlarynyń orynbasary, bas redaktory (1935-37 jyly) boldy. Saıası qýǵyn-súrginge ushyrap, túrmede lagerde aıdaýda boldy. Ómiriniń sonǵy jyldary "Jazýshy" baspasynda bólim meńgerýshisi kyzmetin atqarǵan. Tuńǵysh jınaǵy "Tań ólenderi" (1925 jyl) Máskeýden shyqty. 1937 jyly — "Qoshan kedeı", 1929 jyly — "Tań syry" t.b. 40-tan asa kitaptyń avtory. Tańdamalylary 1959, 1964, 1975 jyldary jaryq kórdi. L.N.Tolstoıdyń balalarǵa arnalǵan shyǵarmalaryn aýdardy. "Kazaqtyń maqal-mátelderi", "Asyl sózder" atty jınaqtardy qurastyrdy. Aýyz ádebıetiniń belgili zertteýshisi, kórnekti aqyn Ó.Turmanjanov Eńbek Qyzyl Tý ordenimen marapattaldy. Ó.Turmanjanov 1978 jyly Almaty qalasynda dúnıe saldy.

Oqýǵa keńes beremiz:

Ótebaı Turmanjanovtyń óleńderi

Ótebaı Turmanjanovtyń týyndylary

---