InfoHub Logo

Ózbekstandyq blogerler Tashkent pen Almatyny salystyryp, eki qalanyń ómiri týraly óz oılaryn bólisti. Bul týraly Ulysmedia.kz habarlady.

Ózbekstannan kelgen bloger Oksana Vladı eki qalany birneshe baǵyt boıynsha salystyrdy. Onyń aıtýynsha, Almaty turǵyndarynyń kıim kıisi «sándi» jáne «baı» kórinedi, al áıelderi «jýrnal muqabalarynan shyqqandaı» áser qaldyrady. Alaıda, tamaq jaǵynan Tashkent alda ekenin aıtty. Almatyda azyq-túlik pen meıramhanalar qymbat, al taǵamdarynyń dámi jaǵynan kemshindeý kórinedi.

Taksı qyzmetine keletin bolsaq, Almatyda ol arzan, sonymen qatar qymbat jáne elıtalyq kólikterdiń sany kóp. Qalanyń ońtústik astanasynda keptelister de az ekenin atap ótti. Bul másele Tashkent úshin burynnan kele jatqan ózekti problema ekenin bloger ókinishpen jetkizdi.

Turǵyn úı baǵasy men tabıǵaty

Turǵyn úı baǵasy boıynsha, bir bólmeli páterler Tashkentte 40 myń dollar bolsa, Almatyda 50 myń dollarǵa deıin jetedi. Almatynyń basty ereksheligi retinde taýlardyń qoljetimdiligi ataldy. Bar-joǵy 120 teńgege nemese 25 myń sumǵa avtobýspen ádemi taýly aımaqtarǵa jetýge bolatyny aıtyldy. Bul jerlerdi bloger Kýrshevelmen salystyrdy.

Almatyǵa 10/10 baǵasy

«Jalpy, qazaqstandyqtar, sizder keremetsizder, bizdiń baýyrlarymyz! Alǵa, Qazaqstan! Bizdi osyndaı tamasha qarsy alǵandaryńyzǵa rahmet. Sizderge úlken rahmet! Sondyqtan men árıne kelýge keńes beremin. Ózbekstannan jetý óte ońaı. Men Almatyǵa 10-nan 10 bal beremin», - dep qorytyndylady bloger.

Qazaqstandaǵy týrızm áleýeti joǵary bolǵanymen, ony damytý úshin kólik, servıs jáne ınfraqurylym jetispeıtini aıtylyp júr. Degenmen, sońǵy jyldary jaǵdaı ózgere bastady. Ótken jyly Qazaqstan qonaqúılerinde 10 mıllıonnan astam adam, onyń ishinde bir jarym mıllıony sheteldik týrıser boldy.