InfoHub Logo

Shyǵarma
Ózge tildiń bárin bil, óz tilińdi qurmette!
Til qaı ultta, qaı elde bolsa da qasterli, qudiretti. Ol árbir adamǵa ana sútimen birge sińip, qalyptasady. Til baılyǵy – árbir eldiń ulttyq maqtanyshy. Ol atadan balaǵa mıras bolyp qalyp otyratyn baǵa jetpes mura. Demek, ár adam óziniń ana tilin kóziniń qarashyǵyndaı qorǵaýǵa, onyń orynsyz shubarlanýynyń qandaıyna da bolsa da qarsy turýy tıis.
Ana tili eń basty baılyǵymyz. Meniń ana tilim – qazaq tili. Qazaq tili – eń uly, eń tamasha til. «Men qazaqpyn» - degen ár adam qazaq tilin bilýi kerek, árbir qurmetti azamat tilimizdi qadyr tutýy tıis dep oılaımyn. Al, ulttyń bolashaǵy – onyń ana tilinde, Til halyqpen birge ómir súrip, damıdy. Ár ulttyń óz tili – baqyty men tiregi.
Tilimizdiń jańa kórkemdik deńgeıge jetýine úles qosqan uly Abaı atamyz.
Ult aqyny Qadyr Myrza Álı: Ana tiliń aryń bul,
Uıatyń bop, tur bette,
Ózge tildiń bárin bil
Óz tilińdi qurmette! – dep jyrlaǵandaı urpaq saýatty bolý úshin aldymen ana tilin jetik meńgerip, keıin ózge ulttyń tilinde erkin sóıleı bilýi tıis. Ana tilin tolyq bilmeıinshe, ózge tildi úırený – opasyzdyq. Óz anasyn satqanmen teń dep bilemin. Sebebi, biz ata - anamyzdyń tárbıesin ana tilinde alyp, salt - dástúrimizdi boıymyzǵa qazaq tilinde sińirý kerekpiz.
Muhtar Shahanov:
Qaı tilde oılap, qaı tilde sóılep,
Qaı tilmen aqsa -
Perzenttik túısik, órisiń,
Sol tildiń gúli, sol tildiń qaıratkerisiń – dep jyrlaǵan. Árıne kóp til bilý, kóp qulyptyń kiltin tapqanmen birdeı. Ózge tildi de úırensek, kókjıegimiz keńeıedi.
Aldymen jaqsylyqty basyńa qyl, qala berdi dosyńa qyl – degen halyq danalyǵy bar. Ana tilimizde saýatty sóılep, ózge tilde de saırap tursaq, bolashaqta úlken ister atqarýǵa, týǵan halyqqa qyzmet etýge múmkindik zor.
Týǵan tilimizdiń mol nárin, sózdik qoryn saýatty paıdalanyp, ózge tildi óz qajetimizge jarata alamyz dep senemin. Táýelsiz Qazaq eliniń, jalyndy jastarynyń óresi de, órisi de keń bolsyn!

Aqtóbe oblysy, Yrǵyz aýdany,
Yrǵyz gımnazıasynyń 5 synyp oqýshysy
Orynbasar Álıma
(10 jasta)